ជីវិតកម្សាន្ដ

តារាភាពយន្តល្បីល្បាញទសវត្សរ៍ ៦០ ក្នុងរឿង “មរណមាតា” ២ ដួង មានឱកាសជួបគ្នាម្តងទៀត

បានផុស

២ years មុន

នៅ

ថ្ងៃពុធ ៥ មិថុនា ២០២៤

ដោយ

វីរសិល្បករជើងចាស់ល្បីល្បាញនៅក្នុងខ្សែភាពយន្តខ្មែរនាអំឡុងទសវត្សរ៍ ៦០ ក្នុងរឿង”មរណមាតា” ២ ដួង គឺ ព្រឹទ្ធាចារ្យ សោម ដូរីន និង លោកស្រី ឌី សាវ៉េត បន្ទាប់ពីបែកគ្នាច្រើនឆ្នាំមកនោះ ទីបំផុតលោកទាំងពីរបានជួបគ្នាជាថ្មី ធ្វើឲ្យទស្សនិកជនចាប់អារម្មណ៍ជាខ្លាំង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជំនួបរបស់តារាភាពយន្តជើងចាស់ល្បីឈ្មោះ ២ ដួង ខាងលើ ស្របពេល ព្រឹទ្ធាចារ្យ សោម ដូរីន និងលោកស្រី ឌី សាវ៉េត បានអញ្ជើញចូលរួមកម្មវិធី “អ្នកស្នងមរតក” ដែលរៀបចំឡើងដោយសមាគមសិល្បករខ្មែរ កាលពីថ្មីៗ នេះ ក្រោមទិសស្លោក “រក្សាចាស់ បង្កើត និងអភិវឌ្ឍន៍ថ្មី”។

តារាភាពយន្តជើងចាស់ព្រឹទ្ធាចារ្យ សោម ដូរីន បានបង្ហោះនៅលើទំព័រហ្វេសប៊ុក ដោយរម្លឹកថា “សោម ដូរីន និង ឌី សាវ៉េត តួធ្លាប់សម្តែងរួមគ្នាក្នុងទសវត្សរ៍ ឆ្នាំ ៦០ ក្នុងរឿងមរណមាតា ឥឡូវតួទាំង ២ នៅរស់រានមានជីវិត តួប្រុសអាយុ ៨៥ ឆ្នាំ តួស្រីអាយុ ៨០ ឆ្នាំ ស្រុកយើងមានសន្តិភាពទើបតារា ២ ដួងនេះ នៅបានជួបគ្នា អរគុណ សម្តេចតេជោ ហ៊ុន សែន ទើបយើងទាំង ២ មានជីវិតដល់ថ្ងៃនេះ”។

សូមជម្រាបថា លោកព្រឹទ្ធាចារ្យ សោម ដូរីន បានលះបង់ច្រើនណាស់ក្នុងបុព្វេសិល្បៈវប្បធម៌ខ្មែរ តាំងពីពេលដែលប្រឡូកសិល្បៈដំបូងដើមទសវត្ស ៥០ រហូតមកម្ល៉េះ។ ចំណែកតារាសិល្បៈជើងចាស់លោកស្រី ឌី សាវ៉េត ដោយសារភាពល្បីល្បាញរបស់លោកស្រីតែងទទួលបានការគាំទ្រខ្ពស់ ថែមទាំងសរសើរពីសមត្ថភាព និងទេពកោសល្យនានានៅក្នុងអាជីពសិល្បៈរហូតមកទល់ពេលបច្ចុប្បន្នផងដែរ៕

អត្ថបទ ៖ ចាន់រ៉ា