ជីវិតកម្សាន្ដ

មហាជនកូរ៉េ សម្ដែងការខកចិត្ត បន្ទាប់ពី Baekhyun ត្រូវគេឃើញជក់បារី

បានផុស

២ សប្តាហ៍ មុន

នៅ

ថ្ងៃអង្គារ ១៧ កញ្ញា ២០២៤

ដោយ

កាលពីថ្ងៃទី ១៦ ខែកញ្ញា វីដេអូរបស់ Baekhyun ជក់បារីដែលគេសន្មត់ថានៅភោជនីយដ្ឋានមួយ បានចាប់ផ្តើមផ្សព្វផ្សាយនៅលើប្រព័ន្ធផ្សព្វផ្សាយសង្គម X។ នៅក្នុងវីដេអូនោះគេឃើញសមាជិកក្រុម Exo កំពុងអង្គុយនៅជ្រុងមួយ ជជែកជាមួយអ្នកដទៃពេលកំពុងជក់បារី។ ខ្សែវីដេអូថតរូបគាត់បង្ហុយផ្សែង ខណៈអ្នកដែលអង្គុយជិតទំនងជាបុគ្គលិកប្រុស-ស្រី។

យ៉ាងណាក៏ដោយ ពេលវេលា និងទីតាំងពិតប្រាកដនៃវីដេអូមិនត្រូវបានបញ្ជាក់ទេ។ អ្នកដែលបានចែករំលែកវីដេអូនោះបានបន្ថែមចំណងជើងថា «Byun Baekhyun សមាជិកក្រុម EXO ជក់បារីក្នុងផ្ទះ»។

បន្ទាប់ពីវីដេអូ និងរឿងចម្រូងចម្រាសនេះបានសាយភាយលើអ៉ិនធើណេត Baekhyun បានចេញសារសុំទោសតាមរយៈភ្នាក់ងាររបស់គាត់ ហើយបាននិយាយថា« យើងសូមអភ័យទោសដោយស្មោះ ចំពោះអ្នកគ្រប់គ្នាដែលមានអារម្មណ៍មិនស្រួលដោយសារតែឧប្បត្តិហេតុជក់បារីក្នុងផ្ទះរបស់ Baekhyun ដែលកំពុងតែរីករាលដាលតាមអ៊ីនធឺណិត»។

ទន្ទឹមនោះទៀតដែរ ងាកទៅកាន់ក្រុមអ្នកលេងអ៊ីនធឺណិតកូរ៉េ បានសម្ដែងការខកចិត្តយ៉ាងខ្លាំងនៅក្នុងសហគមន៍អនឡាញជាច្រើន ហើយបានបញ្ចេញមតិខុសៗគ្នាថា បន្ទាប់ពីអានការពន្យល់របស់ Baekhyun វាកាន់តែមានអារម្មណ៍ខកចិត្ត ព្រោះវាហាក់ដូចជាផ្នែកមួយនៃជីវិតប្រចាំថ្ងៃរបស់គាត់តែងតែធ្វើជាទម្លាប់។ ប៉ុន្តែបើតាមរូបភាពគឺថានេះស្ថិតនៅក្នុងភោជនីយដ្ឋានឬយ៉ាងណា? បើពិតមែនគឺពិតជាគួរឲ្យស្អប់ណាស់។

មិនត្រឹមប៉ុណ្ណឹងទេ មតិមហាជនខ្លះបាននិយាយថា នេះមិនមែនជាការភ្ញាក់ផ្អើលទេ សម្រាប់អ្នកដែលបានឃើញការជក់បារីបែបនេះ។ ប្រាកដណាស់ តារាល្បីៗត្រូវទទួលការអប់រំសមូហភាពមួយចំនួន អំពីការមិនជក់បារីក្នុងកន្លែងបិទជិត។ ប៉ុន្តែហេតុអ្វីបានជាពួកគេនៅតែប្រព្រឹត្តបែបនេះដដែលៗ៕