កាន់តែលើសមុនទៀត! G-Dragon តែងខ្លួនដូចម៉ាក់អ៊ំ ថែមខោពណ៌ផ្កាឈូកស្រស់

ជាការពិតណាស់ កាលពីពេលកន្លងទៅនេះ G-Dragon បានធ្វើឲ្យអ្នកលេងបណ្ដាញសង្គមផ្ទុះការចាប់អារម្មណ៍ទៅលើការតុបតែងខ្លួនរបស់លោក ដែលធ្វើឲ្យមានការលេងស្ទាយ៍តាមគ្រប់គ្នា។ មិនខុសពីលើកមុននោះទេ សារនេះ GD បានស្លៀកពាក់ស្ទាយ៍ម៉ាក់អ៊ំសារជាថ្មី ធ្វើដំណើរទៅកម្មវិធី MAMA។

គួររំលឹកដែរថា Fashion របស់ GD បានធ្វើឲ្យផ្ទុះ Trending នាំគ្នាតែងខ្លួនតាមពេញបណ្ដាញសង្គម ដោយពាក់អាវចាក់ពណ៌ក្រហម ពាក់ក្រម៉ារុំជុំវិញក្បាល ដែលនេះ ត្រូវបានគេស្គាល់ថាជាស្ទាយ៍ម៉ាក់អ៊ំ។ ចំណែកឯ ថ្មីៗនេះ តារាប្រុសរូបនេះ បានពាក់ក្រម៉ារុំក្បាលពណ៌ខ្មៅ និង អាវចាក់ពណ៌ខ្មៅម្ដង។

លើសពីនោះ រំលេចជាមួយនឹងខោចាក់ពណ៌ផ្កាឈូកស្រស់ ដែលមានភាពលេចធ្លោរខ្លាំងតែម្ដង ដែលវាជាការតែងខ្លួនថ្មីរបស់ G-Dragon។​ អ្វីដែលពិសេស តារារ៉េបរូបនេះ នឹងធ្វើការបង្ហាញខ្លួនលើឆាកប្រគុំតន្ត្រី MAMA 2024 ដែលប្រារព្ធឡើងនៅប្រទេសជប៉ុន បន្ទាប់ពីឃ្លាតឆ្ងាយអស់រយៈពេល៧ឆ្នាំមក។

ជាមួយគ្នានេះដែរ G-Dragon ត្រូវបានគេឲ្យឈ្មោះថា ស្ដេចនៃម៉ូត King of Fashion, Fashion Icon ចំពោះការតែងខ្លួននិយាយរបស់លោក ចេញមកធ្វើឲ្យផ្ទុះការពេញនិយមតាមគ្រប់ៗគ្នាតែម្ដង៕