ជីវិតកម្សាន្ដ

ជនភៀសខ្លួនកូរ៉េខាងជើង ប្រាប់រឿងរ៉ាវពិតដូចនឹងភាពយន្ត «Crash Landing on You»

បានផុស

១ year មុន

នៅ

ថ្ងៃចន្ទ ២៧ មករា ២០២៥

ដោយ

រឿងភាគមនោសញ្ចេតនារបស់ប៉ុស្ត៍ទូរទស្សន៍ tvN ក្រោមចំណងជើងថា «Crash Landing on You» ដែលចួលរួមសម្ដែងដោយ Son Ye Jin និង Hyun ធ្លាប់ទទួលបានភាពល្បីល្បាញយ៉ាងខ្លាំង។ យ៉ាងណា នៅលើវគ្គចុងក្រោយនៃកម្មវិធីចម្រុះ Boss in the Mirror អតីតពលរដ្ឋកូរ៉េខាងជើងជាច្រើននាក់ដែលបានភៀសខ្លួនទៅកូរ៉េខាងត្បូងចែករំលែកព័ត៌មានលម្អិតអំពីការរត់គេចខ្លួនរបស់ពួកគេថាមិនខុសគ្នានឹងភាពយន្តដែលគេសម្ដែងទេ។

រឿងរ៉ាវមួយរបស់ជនភៀសខ្លួនកូរ៉េខាងជើង Kim Seo Ah បានធ្វើឲ្យគណៈកម្មាការស្ញប់ស្ញែង នៅពេលនាងរៀបរាប់លម្អិតអំពីការរត់គេចខ្លួន ដែលជួយដោយស្វាមីកូរ៉េខាងត្បូង។ ពេលនោះ នាងកំពុងធ្វើការនៅភោជនីយដ្ឋានខ្មែរក្នុងប្រទេសកូរ៉េខាងជើង ជាការងារដែលនាងត្រូវឆ្លងកាត់ការប្រឡងយកអត្រាជោគជ័យ ១០០:១ ដើម្បីទទួលបាន។

នាងបានពន្យល់ថា ដើម្បីក្លាយជាអ្នកបម្រើ និងសម្តែងនៅភោជនីយដ្ឋានបែបនេះ អ្នកត្រូវតែមានកម្ពស់លើសពី ១ម៉ែត្រនិង ៦៥ សង់ទីម៉ែត្រ មានទម្រង់មុខស្អាត ហើយមិនបានធ្វើការវះកាត់កែសម្ផស្សណាមួយឡើយ។ បន្ទាប់ពីត្រូវបានជ្រើសរើស អ្នកនឹងត្រូវឆ្លងកាត់ការបណ្តុះបណ្តាលការអនុវត្តរយៈពេលមួយឆ្នាំ។ Kim Seo Ah ពេលនោះកំពុងធ្វើការនៅភោជនីយដ្ឋានដ៏ល្បីមួយ ហើយគេហៅថា Kim Tae Hee របស់កូរ៉េខាងជើង ដោយបញ្ជាក់ពីប្រជាប្រិយភាពរបស់នាង។

Kim Seo Ah បាននិយាយបន្តថា ក្នុងពេលរត់គេចចេញពីកូរ៉េខាងជើង នាងបានធ្លាក់ពីលើដំបូលនៅជាន់ទី ៣ នៃភោជនីយដ្ឋានរបស់នាង។ នាពេលនោះ ប្តីរបស់នាងដែលបច្ចុប្បន្នជាជនជាតិកូរ៉េខាងត្បូង បានឲ្យនាងចូលក្នុងរថយន្តជួយនាងឲ្យរត់គេចខ្លួនបានជោគជ័យ តើអាចមានជីវិតមករស់នៅលើទឹកដីកូរ៉េខាងត្បូង។

យ៉ាងណាមិញ តាមរយៈការស្ដាប់នូវរឿងរ៉ាវរបស់ជនភៀសខ្លួនរួចមក នេះបានធ្វើឲ្យអ្នកទស្សនាឃ្លិបជាច្រើនស្ងប់ស្ងែងនៅភាពក្លាហាននិងការតស៊ូរបស់នាង។ អ្នកខ្លះបានបញ្ចេញមតិថាសាច់រឿងរបស់នាងបានធ្វើឲ្យពួកគេនឹកឃើញដល់រឿងភាគដ៏ពេញនិយម «Crash Landing on You» ដែលនិយាយអំពីស្នេហារបស់ពាណិជ្ជករកូរ៉េខាងត្បូង និងទាហានកូរ៉េខាងជើង៕