ព័ត៌មានអន្ដរជាតិ

លោក ត្រាំ ចេញក្រឹត្យចាត់ថ្នាក់ ថ្នាំ Fentanyl ជាអាវុធមហាប្រល័យ

បានផុស

៧ ខែ មុន

នៅ

ថ្ងៃអង្គារ ១៦ ធ្នូ ២០២៥

ដោយ

ថ្នាំហេ្វនថានីល [Fentanyl] ជាឱសថខុសច្បាប់ និងជាសារធាតុគីមីដំបូងគេដែលគ្រោះថ្នាក់ខ្លាំង ហើយប៉ះពាល់ដល់អ្នកប្រើប្រាស់ បើទោះបីជាមិនទាន់មានការស្រាវជ្រាវច្បាស់លាស់ភ្លាមៗ អំពីឥទ្ធិពលជាក់ស្តែងរបស់វាដែលអាចមានក៏ដោយ។ នេះបើយោងតាមការថ្លែងរបស់់ប្រធានាធិបតីអាមេរិក លោក ដូ ណាល់ត្រាំ ដែលបានចុះហត្ថលេខាកាលពីថ្ងៃចន្ទលើក្រឹត្យប្រធានាធិបតី មុនបញ្ជាក់ថា «វាជាឱសថគ្រោះថ្នាក់»។

លោក ដូណាល់ ត្រាំ បង្ហាញក្រឹត្យដែលទើបចុះហត្ថលេខារួច។ Reuters

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបន្តទៀតថា៖«ថ្ងៃនេះខ្ញុំកំពុងបោះជំហានមួយបន្ថែមទៀត ដើម្បីការពារប្រជាជនអាមេរិក ពីការវាយប្រហារនៃការហូរចូលនៃថ្នាំ ហ្វេនថានីល [fentanyl] ដ៏ច្រើនលើសលុបចូលមកក្នុងប្រទេសរបស់យើង ហើយនេះជាបទបញ្ជាប្រតិបត្តិការជាប្រវត្តិសាស្ត្រ ដែលហាមមិនឱ្យនាំចូលបាន»។

លោកបាននិយាយនៅក្នុងការិយាល័យប្រធានាធិបតីនៅទីក្រុងញូវយ៉ក ដោយបន្ថែមថា៖«គ្មានអ្វីដែលយើងធ្វើមិនបាននោះទេ»។

ការប្រកាសនេះបានធ្វើឡើងនៅពេលដែលលោកកំពុងផ្តល់មេដាយកិត្តិយសដល់សមាជិកម្នាក់នៃរដ្ឋបាលសហរដ្ឋអាមេរិករបស់លោកដែលធ្វើឡើងក្នុងឱកាសសំខាន់មួយ ដែលធ្វើឡើងសម្រាប់អ្នកដែលមានតួនាទីការពារព្រំដែនអាមេរិក។

ច្បាប់របស់សហរដ្ឋអាមេរិកបានកំណត់រួចហើយថា វាជាបទល្មើសឧក្រិដ្ឋក្នុងការប្រើប្រាស់ស្រាប់ទៅហើយ ការគំរាមកំហែងឬការប៉ុនប៉ងប្រើប្រាស់ប្រៀបដូចជាអាវុធមហាប្រល័យដែរ ដែលជាបទល្មើសដែលអាចមានទោសប្រហារជីវិត អាស្រ័យលើកាលៈទេសៈជាក់ស្តែង។ ច្បាប់នេះក៏មានន័យថា ជាអាវុធមហាប្រល័យរ ដូចជាអាវុធណាមួយដែលពាក់ព័ន្ធនឹងភ្នាក់ងារជីវសាស្ត្រ និងជាតិពុលជាដើម។

បទបញ្ជានេះបានចាត់ទុកថា ការផលិត និងចែកចាយឱសថ ហេ្វនថានីល ជាការគំរាមកំហែងដល់សន្តិសុខជាតិ។

ក្នុងបទបញ្ជានោះបានលើកឡើងទៀតថា៖ «សម្រាប់ការផលិត និងលក់ថ្នាំហេ្វនថានីល ដោយភេរវករបរទេស និងក្រុមជួញដូរដែលផ្តល់មូលនិធិដល់ប្រតិបត្តិការរបស់អង្គភាពរបស់ខ្លួន រួមមានការធ្វើឃាត អំពើភេរវកម្ម និងការបះបោរនៅជុំវិញពិភពលោក។ វាជាការអនុញ្ញាតឱ្យអង្គភាពទាំងនោះបំផ្លាញសន្តិសុខក្នុងតំបន់ និងសុខុមាលភាពរបស់ប្រទេសជាតិទាំងមូល»។

ណឺ មិនា