ព័ត៌មានអន្ដរជាតិ

ការសិក្សាមួយរកឃើញថាកូរ៉េខាងត្បូងពពោះកូនភ្លោះច្រើន មានហានិភ័យខ្ពស់ទាំងម្តាយនិងកូន

បានផុស

៧ ខែ មុន

នៅ

ថ្ងៃព្រហស្បតិ៍ ១៨ ធ្នូ ២០២៥

ដោយ

ខណៈដែលចំនួនកំណើតកូនភ្លោះច្រើន ការមានផ្ទៃពោះកើនឡើងជាលំដាប់នៅក្នុងប្រទេសកូរ៉េខាងត្បូង មានការអំពាវនាវឱ្យមានវិធានការច្បាស់លាស់ដើម្បីការពារសុខភាពទាំងម្តាយនិងទារក រួមទាំងមានគោលនយោបាយទប់ស្កាត់ នៃការពរពោះកូនចាប់ពីពីរនាក់ឡើងទៅ ដែលកំពុងពេញនិយមនៅប្រទេសនេះ។ ផ្អែកតាមការសិក្សាស្រាវជ្រាវមួយដែលបានចេញផ្សាយនៅថ្ងៃទី១៨ ខែធ្នូ។

ស្រ្តីពពោះម្នាក់កាន់តុក្តតា២។ Women’s Health Partner

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

របាយការណ៍ថ្មីមួយរបស់វិទ្យាស្ថានកូរ៉េខាងត្បូង និយាយពីសុខភាព និងកិច្ចការសង្គម បានរកឃើញថា ប្រទេសកូរ៉េខាងត្បូង មានអត្រាកំណើតច្រើនដងគឺ ២៦.៩ភាគរយ ក្នុង ១០០០កំណើត ក្នុងឆ្នាំ២០២៣ និងមានលេខរៀងទីពីរ បន្ទាប់ពីប្រទេសក្រិកមានចំនួន ២៩.៥ភាគរយ។ នេះបើយោងតាមទិន្នន័យមូលដ្ឋានកំណើតមនុស្ស [Human Multiple Births Database] ។

តួលេខនេះលើសពីមធ្យមភាគរបស់ Human Multiple Births Database ចំនួន១៥.៥ភាគរយ ដែលរបាយការណ៍នោះមានចំណងជើងថា៖ «គោលនយោបាយកំណើតច្រើនរបស់កូរ៉េ និងផលប៉ះពាល់របស់វា»។

ការសិក្សាបានរកឃើញថា អត្រាកំណើតច្រើនលំដាប់ខ្ពស់របស់កូរ៉េខាងត្បូង ពាក់ព័ន្ធនឹងទារកបី ឬច្រើននាក់ បានឈានដល់ចំនួន០.៦៧ភាគរយ ក្នុងការសម្រាលកូន ១០០០នាក់ ដែលជាចំនួនខ្ពស់បំផុតក្នុងចំណោមប្រទេសនៅបណ្តាប្រទេសមួយចំនួនក្នុងតំបន់ និងប្រហែលបីដងនៃមធ្យមភាគរបស់អន្តរជាតិ។

ខណៈពេលដែលការសម្រាលកូនច្រើនដងបានកើនឡើងជាសកល ចាប់តាំងពីឆ្នាំ១៩៨០មក ហើយរបាយការណ៍នេះបានសន្មត់ថា ការកើនឡើងយ៉ាងខ្លាំងរបស់ប្រទេសកូរ៉េខាងត្បូង ភាគច្រើនជាការពន្យារពេលនៃការសម្រាលកូន។

អាយុជាមធ្យមនៅពេលសំរាលកូនបានកើនឡើងពី ៣២.២ភាគរយ ក្នុងឆ្នាំ២០១៥ ដល់ ៣៣.៧ភាគរយ ក្នុងឆ្នាំ២០២៤ ខណៈដែលអាយុជាមធ្យមនៃស្ត្រីសម្រាលកូនច្រើនបានកើនឡើងពី ៣៣.៦ភាគរយ ទៅ ៣៥.៣ភាគរយ ក្នុងរយៈពេលដូចគ្នា។

របាយការណ៍បានកត់ត្រាថា ការមានផ្ទៃពោះកូនច្រើនក្នុងពេលតែមួយត្រូវបានចាត់ថ្នាក់ថាមានហានិភ័យខ្ពស់ទាំងម្តាយ និងទារក ជាពិសេសការកើនឡើងហានិភ័យនៃជំងឺក្រឡាភ្លើង [preeclampsia] និងជំងឺទឹកនោមផ្អែម [gestational] ពេលមានគភ៌ បើប្រៀបធៀបទៅនឹងការមានផ្ទៃពោះកូនតែម្នាក់ និងហានិភ័យខ្ពស់នៃទម្ងន់មិនគ្រប់គីឡូរបស់ទារក៕

អត្ថបទ៖ ណឺ មិនា