ព័ត៌មានអន្ដរជាតិ

ឃាតករសម្លាប់ លោក អាបេ ត្រូវបានកាត់ទោសឱ្យជាប់គុកអស់មួយជីវិត

បានផុស

៦ ខែ មុន

នៅ

ថ្ងៃពុធ ២១ មករា ២០២៦

ដោយ

ទូរទស្សន៍ជាតិ NHK របស់ជប៉ុនបានរាយការណ៍ថា បុរសដែលបានសម្លាប់អតីតនាយករដ្ឋមន្ត្រីជប៉ុន លោក Shinzo Abe ដោយកាំភ្លើងកែច្នៃ ត្រូវបានកាត់ទោសឱ្យជាប់ពន្ធនាគារអស់មួយជីវិតកាលពីថ្ងៃពុធ។

បុណ្យសពអតីតនាយករដ្ឋមន្រី្តជប៉ុន លោក Abe. Reuters

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាម CNN, សេចក្តីសម្រេចនេះ បញ្ចប់ដោយការកាត់ក្តីអស់រយៈពេលជាច្រើនឆ្នាំ ជុំវិញការធ្វើឃាតរបស់លោក ដែលធ្វើឱ្យប្រទេសជប៉ុនជាប់ឈ្មោះមិនល្អ ជាកន្លែងដែលប្រើអំពើហិង្សាដោយកាំភ្លើង ជាពិសេសរដ្ឋាភិបាលបានយកចិត្តទុកដាក់លើក្រុមមនុស្សដែលពាក់ព័ន្ធនឹងបុរសដែលបានបង្ករឿង។

បុរសឈ្មោះ Tetsuya Yamagami បានបាញ់សម្លាប់ លោក Abe ក្នុងពេលថ្ងៃត្រង់ជាមួយនឹងកាំភ្លើងដែលលោកបានច្នៃ ខណៈដែលអតីតមេដឹកនាំកំពុងថ្លែងសុន្ទរកថាក្នុងយុទ្ធនាការមួយនៅតាមផ្លូវមួយក្នុងទីក្រុង Nara ភាគខាងលិចក្នុងឆ្នាំ២០២២។

លោក Yamagami បច្ចុប្បន្នអាយុ៤៥ឆ្នាំត្រូវបានចាប់ខ្លួននៅកន្លែងកើតហេតុ ហើយត្រូវបានចោទប្រកាន់នៅឆ្នាំបន្ទាប់ ពីបទមនុស្សឃាត និងការប្រើប្រាស់អាវុធ។

គួររំឭកថាមានមនុស្សរាប់រយនាក់បានតម្រង់ជួរនៅខាងក្រៅតុលាការក្នុងក្រុងណារ៉ា[Nara] ដើម្បីមានឱកាសធ្វើជាសាក្សីក្នុងដំណើរការនីតិវិធី។

មិនតែប៉ុណ្ណោះ លោក Abe ដែលមានតំណែងនាយករដ្ឋមន្ត្រីចំនួនពីរលើក ពីឆ្នាំ ២០០៦ ដល់ឆ្នាំ២០០៧ និងម្តងទៀតពីឆ្នាំ ២០១២ដល់ឆ្នាំ ២០២០ លោកបានផ្លាស់ប្តូរឥរិយាបថសន្តិសុខរបស់ប្រទេសជប៉ុន ជាប្រទេសសន្តិភាព និងសុវត្ថិភាព ហើយបានអនុម័តច្បាប់សន្តិសុខដ៏សំខាន់នៅក្នុងឆ្នាំ២០១៥ បានពង្រីកអ្វីដែលជប៉ុនអាចធ្វើទៅបាន ជាពិសេសផ្នែកយោធា ដើម្បីគាំទ្រសហរដ្ឋអាមេរិក។

រីឯការស្លាប់របស់គាត់បានធ្វើឱ្យមានការភ្ញាក់ផ្អើលពេញប្រទេសជប៉ុន ព្រោះប្រទេសនេះមានអត្រាឧក្រិដ្ឋកម្មកាំភ្លើងទាបបំផុតរបស់ពិភពលោក ដោយសារមានច្បាប់ទាក់ទងការប្រើអាវុធដ៏តឹងរឹងរបស់ខ្លួន។

លើសពីនេះ ព្រះរាជអាជ្ញាដែលកាត់ក្តីរបស់លោក Yamagami ចង់ឱ្យកាត់ទោសមួយជីវិត តែមេធាវីថាមិនអាចធ្វើទៅបាន។ លោកហៅការធ្វើឃាតនេះថា៖ «ជាឧប្បត្តិហេតុដ៏ធ្ងន់ធ្ងរបំផុតដែលមិនធ្លាប់មានពីមុនមកក្នុងប្រវត្តិសាស្ត្រក្រោយសង្គ្រាម»៕

ប្រែសម្រួល៖ ណឺ មិនា