ព័ត៌មានអន្ដរជាតិ

ប្រជាជនកាណាដាជាច្រើនឈរលើការសម្រេចចិត្តរបស់នាយករដ្ឋមន្ត្រី Mark Carney

បានផុស

៦ ខែ មុន

នៅ

ថ្ងៃសុក្រ ២៣ មករា ២០២៦

ដោយ

ការវាយប្រហារពាក្យសំដីជាថ្មីពីប្រធានាធិបតីអាមេរិក លោក ដូណាល់ ត្រាំ លើនាយករដ្ឋមន្ត្រីកាណាដា បានជំរុញឱ្យប្រជាជនកាណាដារួមគ្នាឈរពីក្រោយនាយករដ្ឋមន្ត្រី Mark Carney ដែលបដិសេធជាចំហចំពោះប្រទេសមហាអំណាចណាដែលប្រើប្រាស់សមាហរណកម្មសេដ្ឋកិច្ចជាអាវុធ និងពន្ធគយសម្រាប់ការដាក់សម្ពាធ។

លោក Mark Carney ថ្លែងក្នុង WEF ប្រទេសស្វីស។ Reuters

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមរ៉យទ័រ នៅក្នុងសុន្ទរកថាទៅកាន់មេដឹកនាំពិភពលោកពេលថ្មីៗនេះ លោក Carney បានលើកឡើងថា៖ «សណ្តាប់ធ្នាប់សកលដែលផ្អែកលើច្បាប់អន្តរជាតិបានបញ្ចប់ហើយ និងបានចង្អុលទៅប្រទេសកាណាដាជាឧទាហរណ៍អំពីរបៀបដែល មហាអំណាចថ្នាក់កណ្តាល អាចធ្វើសកម្មភាពរួមគ្នា ដើម្បីជៀសវាងការរងគ្រោះដោយការយាយីរបស់អាមេរិក»។

លោកបានលើកឡើងថា៖«នៅពេលដែលច្បាប់លែងការពារអ្នក នោះអ្នកត្រូវតែការពារខ្លួនឯង។ ចំណែកមហាអំណាចកណ្តាលត្រូវតែធ្វើសកម្មភាពរួមគ្នា បើមិនចង់ឱ្យប្រទេសនៅអឺរ៉ុបឈានដល់ការបែកបាក់សាមគ្គីភាព»។

មិនតែប៉ុណ្ណោះ លោក ត្រាំ បានតបតវិញថា៖«ប្រទេសកាណាដា រស់ដោយសារតែសហរដ្ឋអាមេរិកទេ។ ហើយ Carney គួរតែដឹងគុណចំពោះសហរដ្ឋអាមេរិក»។ លោកថ្លែងក្រុង Davos ទៅកាន់មនុស្សជាច្រើន ក្នុងវេទិកាសេដ្ឋកិច្ចពិភពលោកនៅប្រទេសស្វីស។

ថ្លែងសុន្ទរកថានៅក្រុង Davos បានបង្ហាញពីដំណើរទស្សនកិច្ចក្រៅប្រទេសដ៏មានអត្ថន័យមួយសម្រាប់ លោក Carney ដោយឡែកកាលពីសប្តាហ៍មុន នាយករដ្ឋមន្ត្រីកាណាដាបានធ្វើកិច្ចព្រមព្រៀងពាណិជ្ជកម្មជាមួយប្រទេសចិន និងស្វែងរកភាពជាដៃគូថ្មីនៅមជ្ឈិមបូព៌ាក្នុងគោលបំណងកាត់បន្ថយការពឹងផ្អែកផ្នែកសេដ្ឋកិច្ចដ៏លើសលប់ពីប្រទេសមហាអំណាចពីសហរដ្ឋអាមេរិក។

តែបើតាម លោក Laura Stephenson សាស្ត្រាចារ្យវិទ្យាសាស្ត្រនយោបាយនៅសាកលវិទ្យាល័យ Western Ontario បានលើកឡើងថា៖«ប្រជាជនកាណាដានឹងមានអារម្មណ៍មោទនភាព ហើយពួកគេក៏ប្រហែលជាមានការព្រួយបារម្ភខ្លះដែរ ដោយសារតែនាយករដ្ឋមន្រ្តីរបស់យើងមានភាពមិនច្បាស់លាស់»។

លោកបានបន្ថែមទៀតថា៖ «លោក Carney កំពុងបង្ហាញភាពក្លាហានដោយនិយាយរឿងទាំងនេះជាសាធារណៈ ហើយប្រហែលជានឹងមានមោទនភាពក្នុងការទទួលស្វាគមន៍ជាសកល ចំពោះសុន្ទរកថារបស់គាត់ដែលមានភាពវិជ្ជមានច្រើន»។

ប្រែសម្រួល៖ ណឺ មិនា