ព័ត៌មានអន្ដរជាតិ

មេ UN ប្រាប់ពិភពលោកបង្កើនការផលិតវ៉ាក់សាំងទ្វេដងសម្រាប់ចែកចាយដោយស្មើភាពគ្នា និងដើម្បីបំបាត់កំហឹងប្រទេសដែលទទួលបានតិច

បានផុស

៥ years មុន

នៅ

ថ្ងៃសៅរ៍ ២៩ ឧសភា ២០២១

ដោយ

ប្រមុខ UN បាននិយាយកាលពីថ្ងៃសុក្រថា ពិភពលោកត្រូវការបង្កើនការផលិតវ៉ាក់សាំងទ្វេដង សម្រាប់ការចែកចាយដោយស្មើភាពគ្នាបន្ថែមទៀត ដើម្បីបំបាត់កំហឹងនៅក្នុងប្រទេសមួយចំនួន មុនពេលវីរុសរីករាលដាលទៅប្រទេសអ្នកមានវិញ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អគ្គលេខាធិការអង្គការសហប្រជាជាតិ លោក Antonio Guterres បាននិយាយថា វ៉ាក់សាំងការពារជំងឺកូវីដ ១៩ ចំនួន ១.៧ ពាន់លាន ត្រូវបានចែកចាយទូទាំងពិភពលោក ប៉ុន្តែបានពិពណ៌នាអំពីវិសមភាពបច្ចុប្បន្នក្នុងការចែកចាយវ៉ាក់សាំង ថាជារឿងអាស្រូវ ។

លោក Guterres បាននិយាយថា “បច្ចុប្បន្នប្រទេសចំនួន ១០ បានប្រើប្រាស់វ៉ាក់សាំងចំនួន ៧៥ ភាគរយ ហើយប្រទេសដែលមានប្រាក់ចំណូលទាប ទទួលបានការចាក់វ៉ាក់សាំងតែ ០.៣ ភាគរយប៉ុណ្ណោះ ខណៈទ្វីបអាហ្រ្វិក ១ ភាគរយ” ។

ប្រមុខ UN បន្តទៀតថា “ដូច្នេះវាច្បាស់ណាស់នៅភាគខាងជើងពិភពលោក យើងមានប្រទេសជាច្រើនដែលកំពុងចាក់វ៉ាក់សាំង ក្នុងអត្រាមួយដែលអាចទទួលយកបាន ។ ប៉ុន្តែនៅភាគខាងត្បូងពិភពលោក យើងកំពុងដើរតាមពីក្រោយពួកគេយ៉ាងខ្លាំង” ។

ជាចុងក្រោយលោកបានសង្កត់ធ្ងន់ថា ហានិភ័យនៃការចែកចាយវ៉ាក់សាំងនោះ គឺកំពុងបង្ហាញថា វីរុសនៅតែបន្តរីករាលដាលយ៉ាងឆាប់រហ័ស ខណៈការវិវត្តរបស់វីរុសជាញឹកញាប់ ហើយការផ្លាស់ប្តូរខ្លះនៃវីរុសទាំងនេះ បានបង្កើតជាមេរោគដែលងាយឆ្លងខ្លាំងទៅៗ ៕