ព័ត៌មានអន្ដរជាតិ
ចិន រកឃើញវីរុសកូរ៉ូណា ២៤ប្រភេទផ្សេងៗគ្នា នៅក្នុងខ្លួនសត្វប្រចៀវ
ក្រុមអ្នកស្រាវជ្រាវចិនបានអះអាងថា ពួកគេធ្លាប់បានរកឃើញវីរុសកូរ៉ូណា ២៤ប្រភេទផ្សេងៗគ្នា នៅក្នុងខ្លួនសត្វប្រចៀវ។
ការរកឃើញរបស់ពួកគេនៅក្នុងតំបន់តូចមួយនៃខេត្ត Yunnan ភាគនិរតីប្រទេសចិនបានបង្ហាញថា មានភាពខុសៗគ្នានៃប្រភេទវីរុសកូរ៉ូណាក្នុងខ្លួនសត្វប្រចៀវ ដែលអាចចម្លងរាលដាលដល់មនុស្សបាន។
ក្រុមអ្នកស្រាវជ្រាវមកពីសកលវិទ្យាល័យ Shandong និយាយថា វីរុសកូរ៉ូណាមួយប្រភេទដែលត្រូវបានរកឃើញនៅក្នុងសំណាកសត្វប្រចៀវ គឺមានភាពស្រដៀងទៅនឹងវីរុស SARS-CoV-2 ដែលកំពុងបង្កឲ្យមានជំងឺរាតត្បាតកូវីដ-១៩។
ប៉ុន្តែការស្រាវជ្រាវនេះ បានកើតឡើងចំពេលដែលប្រទេសចិន កំពុងប្រយុទ្ធប្រឆាំងនឹងការពិនិត្យពិច័យកាន់តែខ្លាំងឡើងថាតើ វីរុសនោះបានលេចចេញពីមន្ទីរពិសោធន៍ទីក្រុង អ៊ូហាន មែនឬក៏អត់។
ហើយការសិក្សាដែលដឹកនាំដោយសកលវិទ្យាល័យ Oxford នៅសប្តាហ៍នេះ បានដាក់ការសង្ស័យលើការអះអាងរបស់ក្រុមអ្នកស្រាវជ្រាវចិន។
ទោះបីជាយ៉ាងណាក៏ដោយ ពួកគេមិនបានរកឃើញភស្ដុតាងដែលថា សត្វប្រចៀវ ឬសត្វពង្រូល ត្រូវបានរក្សាទុកនៅផ្សារសើមទីក្រុង អ៊ូហាន ដូចការអះអាងថា ជាកន្លែងផ្ទុះវីរុសនោះទេ។
ក្រុមអ្នកស្រាវជ្រាវចិន បានប្រមូលសំណាកនៅចន្លោះខែឧសភាឆ្នាំ ២០១៩ ដល់ខែវិច្ឆិកាឆ្នាំ ២០២០ ពីសត្វប្រចៀវ ដែលមានទីតាំងនៅស្រុក Mengla ក្នុងខេត្ត Yunnan។ ពួកគេបានធ្វើតេស្តលាមក និងទឹកនោមរបស់សត្វទាំងនោះ ក៏ដូចជាសំណាកពីមាត់របស់សត្វប្រចៀវផងដែរ។
ក្រុមអ្នកស្រាវជ្រាវលើកឡើងថា មេរោគទាំងនេះអាចមានការវិវត្តពីសត្វទៅមនុស្ស ជាជាង ពីការលេចធ្លាយចេញពីមន្ទីរពិសោធន៍ទីក្រុង អ៊ូហាន ដូចទ្រឹស្តីមួយចំនួនដែលបានលើកឡើង៕
ប្រែសម្រួល៖ Vann Vann
ប្រភព៖ Daily Mail
ចុចអាន៖ ក្រុម WHO ចុះត្រួតពិនិត្យផ្សារដែលរកឃើញករណីកូវីដដំបូងក្នុងទីក្រុងអ៊ូហាន
-
ព័ត៌មានអន្ដរជាតិ១ សប្តាហ៍ ago
ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?
-
ជីវិតកម្សាន្ដ៦ ថ្ងៃ ago
លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស សុំឲ្យគ្រប់គ្នាអហោសិកម្ម
-
ចរាចរណ៍២ ថ្ងៃ ago
ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់
-
ចរាចរណ៍៧ ថ្ងៃ ago
ករណីបុករះស្លាប់៤នាក់នៅស្ពានអាកាសឫស្សីកែវ មានម្នាក់ជានិស្សិតពូកែជំនាញស្ថាបត្យកម្ម និងនគរូបនីយវិទ្យា
-
ព័ត៌មានអន្ដរជាតិ៥ ថ្ងៃ ago
យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន
-
ព័ត៌មានជាតិ១ សប្តាហ៍ ago
គម្រោងទឹកស្អាតធំបំផុតចាយទុនជាង ១០០ លានដុល្លារនៅបាក់ខែង គ្រោងចាប់ផ្តើមសាងសង់
-
ព័ត៌មានជាតិ៤ ថ្ងៃ ago
មន្រ្តីក្រសួងបកស្រាយវីដេអូរថភ្លើងបើកលើផ្លូវជាតិ ពលរដ្ឋសង្ស័យបើកខុសបច្ចេកទេស
-
ព័ត៌មានអន្ដរជាតិ៤ ថ្ងៃ ago
តើទីក្រុងណា ស្ទះចរាចរណ៍ខ្លាំងជាងគេ នៅអាស៊ីអាគ្នេយ៍?