ព័ត៌មានអន្ដរជាតិ

លោក Duterte គំរាមលាតត្រដាង Pacquiao រាល់ថ្ងៃជាមនុស្សកុហក បើមិនបង្ហាញការពិត

បានផុស

៤ years មុន

នៅ

ថ្ងៃអង្គារ ២៩ មិថុនា ២០២១

ដោយ

លោកប្រធានាធិបតីហ្វីលីពីន Rodrigo Duterte នៅថ្ងៃចន្ទ ទី២៨ ខែមិថុនា បាននិយាយថា កំពូលអ្នកប្រដាល់ Manny Pacquiao គួរដាក់ឈ្មោះការិយាល័យរដ្ឋាភិបាលអំពើពុករលួយដើម្បីបញ្ជាក់ថា សមាជិកសភា និងជាជើងឯកពិភពលោកនេះមិនត្រឹមតែប្រឡូកនយោបាយមុនពេលបោះឆ្នោតជ្រើសរើសប្រធានាធិបតីនៅឆ្នាំក្រោយប៉ុណ្ណោះទេ។

ការលើកឡើងរបស់លោកប្រធានាធិបតីគឺជារឿងថ្មីសន្លាងមួយទៀតនៅក្នុងសង្គ្រាមពាក្យសំដីគួរឲ្យភ្ញាក់ផ្អើលរវាងលោក និង Pacquiao ដែលត្រួវបានគេមើលឃើញក្នុងចំណោមអ្នកគាំទ្រដ៏ខ្លាំងក្លាបំផុតរបស់លោក ហើយអាចជាអ្នកបន្តវេនសម្រាប់ប្រធានាធិបតីបន្ទាប់ នៅពេលលោកអស់អាណត្តិនៅខែមិថុនា ឆ្នាំ២០២២។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មេដឹកនាំហ្វីលីពីនរូបនេះបាននិយាយថា Pacquiao បានរិះគន់ពីអំពើពុករលួយនៅក្នុងរដ្ឋាភិបាលរបស់លោក និងបានគំរាមលាតត្រដាងកំពូលអ្នកប្រដាល់នេះជា«មនុស្សកុហក»។

លោក Duterte បានថ្លែងសុន្ទរកថាផ្សាយតាមទូរទស្សន៍ពេលយប់ថា ៖«ខ្ញុំមិននិយាយថា គ្មានអំពើពុករលួយទេ ដូច្នេះសូមបង្ហាញមក។ បើអ្នកមិនបង្ហាញទេនោះ ខ្ញុំនឹងលាតត្រដាងអ្នករាល់ថ្ងៃថាជាមនុស្សកុហក។ ខ្ញុំដឹងថា អ្នកមានវិធីគាំទ្រ»។

ការប្រើប្រាស់ពាក្យពេចន៍ខ្លាំងៗប្រឆាំងនឹង Pacquiao លោក Duterte បាននិយាយថា ប្រសិនបើគាត់មិនលាតត្រដាងអំពីអំពើពុករលួយទេ គាត់នឹងជាអ្នកនយោបាយលេងសើច និងសន្យាចាត់វិធានការលើមន្ត្រីណាដែលធ្វើខុស។

គេមិនទាន់ដឹងច្បាស់ទេថាតើមន្ត្រីណាដែលលោកកំពុងជំរុញឲ្យ Pacquiao លាតត្រដាង ឬមូលហេតុអ្វី។ Pacquiao មិនត្រូវបានគេមើលឃើញនិយាយជាសាធារណៈអំពីការចោទប្រកាន់ណាមួយពាក់ព័ន្ធនឹងអំពើពុករលួយកម្រិតខ្ពស់ទេក្នុងប៉ុន្មានថ្ងៃចុងក្រោយនេះ។

ជាមួយគ្នានេះ Pacquiao ប្រធានស្តីទីគណបក្សនយោបាយរបស់លោក Duterte មិនទាន់មានការឆ្លើយតបអ្វីឡើយ។

កំពូលអ្នកប្រដាល់ Pacquiao អាយុ៤២ឆ្នាំស្ថិតក្នុងចំណោមអ្នកគាំទ្រដ៏ស្មោះស្ម័គ្ររបស់លោក Duterte បានកំពុងគាំទ្រសង្គ្រាមបង្ហូរឈាមពាក់ព័ន្ធនឹងគ្រឿងញៀន និងស្នើឲ្យមានទោសប្រហារជីវិតឡើងវិញ។ ជើងឯកពិភពលោក៨ស្ថាប័នរូបនេះក៏មិនទាន់ប្រកាសពីការប្រជែងបតំណែងប្រធានាធិបតីដែរ។

កាលពីដើមខែនេះ លោក Duterte បានរិះគន់ពីចំណេះដឹងគោលនយោបាយការបរទេសរាក់របស់ Pacquiao បន្ទាប់ពីសមាជិកសភារូបនេះនិយាយថា គាត់បានរកឃើញពីគោលជំហររបស់មេដឹកនាំខ្លួនអំពីសមុទ្រចិនខាងត្បូងគឺខ្វះខាត និងខកចិត្ត។

លោក Duterte នៅតែមានប្រជាប្រិយភាពខ្លាំងក្នុងប្រទេសហ្វីលីពីន។ សម្ព័ន្ធភាពនយោបាយកំពុងជំរុញលោកឲ្យបន្តតំណែងជាអនុប្រធានាធិបតី នៅពេលអាណត្តិរបស់លោកត្រូវបានបញ្ចប់។ កូនស្រីរបស់លោកដែលជាជំនួយការក៏ត្រូវបានគេមើលឃើញក្នុងចំណោមអ្នកដែលអាចបន្តវេនពីលោកដែរ៕

ប្រែសម្រួល៖ វីរបុត្រ
ប្រភព៖ Reuters