ព័ត៌មានអន្ដរជាតិ
បាក់សណ្ឋាគារមួយនៅចិនសម្លាប់មនុស្ស៨នាក់ បាត់ខ្លួន៩នាក់
ហោចណាស់មនុស្ស៨នាក់បានស្លាប់ និង៩នាក់កំពុងបាត់ខ្លួនក្នុងការបាក់សណ្ឋាគារមួយនៅទីក្រុង Suzhou ភាគខាងកើតប្រទេសចិន។ នេះជាការឲ្យដឹងពីអាជ្ញាធរនៅថ្ងៃអង្គារ៍ ទី១៣ ខែកក្កដានេះ។
អាជ្ញាធរក្រុង Suzhou បាននិយាយថា សណ្ឋាគារ Siji Kaiyuan បានបាក់នៅរសៀលថ្ងៃចន្ទ។ មនុស្សភាគច្រើនបំផុតនៅក្នុងអគារសណ្ឋាគារពេលនោះជាភ្ញៀវ។ មនុស្ស២៣នាក់ជាប់នៅក្រោមអគារបាក់បែក និង៦នាក់ត្រូវបានជួយសង្គ្រោះរហូតដល់ពេលនេះ។
មនុស្សជាង៦០០នាក់រាប់បញ្ចូលទាំងក្រុមជួយសង្គ្រោះរញ្ជួយដី និងរថយន្ត១២០គ្រឿងត្រូវបានប្រើដើម្បីប្រតិបត្តិការសង្គ្រោះ។ ក្រុមការងារសង្គ្រោះបានប្រើគ្រឿងចក្រ ជណ្តើរ ឧបករណ៍កាត់ដេក និងសុនខដើម្បីស្វែងរកអ្នកមានជីវិត។
មូលហេតុបណ្តាលឲ្យបាក់សណ្ឋាគារនេះ អាជ្ញាធរមិនទាន់បង្ហាញអ្វីឡើយ។
បើយោងតាមការបញ្ជីវេបសាយទេសចរណ៍ Ctrip បង្ហាញថា សណ្ឋាគារនេះបានបើកដំណើរការកាលពីឆ្នាំ២០១៨ដោយមានបន្ទប់គេងចំនួន៥៤។
Suzhou ជាទីក្រុងដែលមានប្រជាជនជាង១២លាននាក់ចម្ងាយ១០០គីឡូម៉ែត្រភាគខាងលិចទីក្រុងសៀងហៃជាតំបន់ទេសចរណ៍ដ៏ល្បីល្បាញមួយដែលមានប្រឡាយ និងសួនអាយុកាលរាប់សតវត្សរ៍៕
ប្រែសម្រួល៖ វីរបុត្រ
ប្រភព៖ CNA
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ