ព័ត៌មានអន្ដរជាតិ

វីដេអូស្តែងៗ ទម្លាក់ក្មេងពីអគារភ្លើងឆេះ លួចប្លន់នៅផ្សារក្នុងហិង្សាអាហ្វ្រិកខាងត្បូង

បានផុស

៥ years មុន

នៅ

ថ្ងៃពុធ ១៤ កក្កដា ២០២១

ដោយ

អ្នកគាំទ្របានខឹងសម្បាយ៉ាងខ្លាំងជុំវិញការដាក់ពន្ធនាគារអតីតប្រធានាធិបតីអាហ្វ្រិកខាងត្បូង លោក Jacob Zuma ដែលបានប្រគល់ខ្លួនឲ្យប៉ូលិសចាប់កាលពីសប្តាហ៍មុន។

ដូច្នេះហើយមនុស្សជាច្រើននាក់ដែលគាំទ្រលោកបានចេញតវ៉ា ប៉ុន្តែបានក្លាយជាហិង្សាដោយបំផ្លិចបំផ្លាញ លួចទ្រព្យសម្បត្តិ និងប៉ះទង្គិចជាមួយក្រុមកម្លាំងបង្ក្រាបដែលបណ្តាលឲ្យជាច្រើនបានស្លាប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហោចណាស់មនុស្ស៧២នាក់បានស្លាប់ និងប្រហែលជា១២៣៤នាក់ត្រូវបានចាប់ខ្លួនរហូតដល់ពេលនេះពីចលាចលដែលបានផ្តើមចេញពីការតវ៉ា បន្ទាប់ពីលោក Zuma ត្រូវបានបញ្ជូនចូលពន្ធនាគារកាលពីថ្ងៃព្រហស្បតិ៍។

លោកប្រធានាធិបតី Cyril Ramaphosa បានហៅការតវ៉ានេះថាជាផ្នែកនៃហិង្សាធ្ងន់ធ្ងរបំផុតនៅប្រទេសអាហ្វ្រិកខាងត្បូងចាប់តាំងពីដើមទសវត្សរ៍ឆ្នាំ១៩៩០មក។

នៅក្នុងវីដេអូបានបង្ហាញពីការខូចខាត បាក់បែក ភ្លើងឆេះ ដែលធ្វើឲ្យឪពុកម្តាយបានទម្លាក់កូនពីលើអគារដើម្បីឲ្យអ្នកខាងក្រោមរងចាំជួយសង្គ្រោះ។ ជាមួយគ្នានេះនៅតាមដងផ្លូវ មនុស្សជាច្រើនរត់ប្រសាច អ្នកខ្លះដឹកជញ្ជូនសម្ភារៈផ្សេងៗទៀតផង។

សូមបញ្ជាក់ថា អតីតប្រធានាធិបតីអាហ្វ្រិកខាងត្បូង លោក Zuma ត្រូវបានកាត់ទោសពីបទមើលងាយតុលាការកាលពីខែមុន បន្ទាប់ពីលោកមិនបានផ្តល់សក្ខីកម្មក្នុងការស៊ើបអង្កេតជុំវិញអំពើពុករលួយរបស់លោកកំឡុងកាន់តំណែងប្រធានាធិបតី។ លោកអាយុ៧៩ឆ្នាំដែលបានបដិសេធអំពើពុករលួយត្រូវបានកាត់ទោសឲ្យជាប់ពន្ធនាគារ១៥ខែ៕