តាលីបង់ ប្រកាសលើកលែងទោសទូទាំងអាហ្វហ្គានីស្ថាន ហើយជំរុញឲ្យស្ត្រីចូលរួមជាមួយរដ្ឋាភិបាលខ្លួន

ក្រុមតាលីបង់បានប្រកាសអំពី “ការលើកលែងទោស” នៅទូទាំងប្រទេសអាហ្វហ្គានីស្ថាន និងបានជំរុញឲ្យស្ត្រីចូលរួមជាមួយរដ្ឋាភិបាលរបស់ខ្លួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការធ្វើបែបនេះ ត្រូវបានគេមើលឃើញថា ក្រុមតាលីបង់ចង់ឲ្យមានភាពស្ងប់ស្ងាត់នៅទូទាំងរដ្ឋធានី ត្រឹមតែមួយថ្ងៃប៉ុណ្ណោះមុនពេលផ្ទុះភាពច្របូកច្របល់នៅព្រលានយន្តហោះ ខណៈមនុស្សរាប់ពាន់នាក់បានសម្រុកចូលអាកាសយានដ្ឋានអន្តរជាតិទីក្រុងកាប៊ុល ក្នុងគោលបំណងចាកចេញ។

ជើងហោះហើរជម្លៀសចេញពីអាហ្វហ្គានីស្ថាន បានចាប់ផ្តើមឡើងវិញខណៈមន្រ្តីសន្តិសុខលោកខាងលិចម្នាក់បានប្រាប់ទីភ្នាក់ងារសារព័ត៌មានរ៉យទ័រនៅថ្ងៃអង្គារនេះថា ផ្លូវហាយវេនិងផ្លូវរត់របស់អាកាសយានដ្ឋានក្រុងកាប៊ុល ឥឡូវនេះលែងមានហ្វូងមនុស្សហើយ។

ក្រុមតាលីបង់បានប្រកាសថា សង្គ្រាមនៅអាហ្វហ្គានីស្ថានបញ្ចប់ហើយ ហើយមេដឹកនាំជាន់ខ្ពស់ម្នាក់បាននិយាយថា ក្រុមនេះនឹងរង់ចាំរហូតដល់កងកម្លាំងបរទេសចាកចេញអស់ មុននឹងបង្កើតរចនាសម្ព័ន្ធអភិបាលកិច្ចថ្មី។

ស្របពេលជាមួយគ្នានោះដែរ ប្រទេសចិនបាននិយាយថា ខ្លួនត្រៀមរួចជាស្រេចសម្រាប់ “ទំនាក់ទំនងមិត្តភាព” ជាមួយក្រុមតាលីបង់ ខណៈរុស្ស៊ីនិងអ៊ីរ៉ង់ក៏បានបង្កើតចំណងការទូតផងដែរ៕

ប្រែសម្រួល៖ Vann Vann

ប្រភព៖ Al Jazeera

ចុចអាន៖ មេបញ្ជាការក្រុមតាលីបង់ ជាអ្នកទោសដែលអាមេរិក ដោះលែងពីគុកយោធា Guantanamo