ព័ត៌មានអន្ដរជាតិ
គ្រាន់តែធនាគារក្រុងកាប៊ុលបើកឡើងវិញ ពលរដ្ឋ អាហ្វហ្គានីស្ថាន រាប់រយនាក់សម្រុកទៅដកប្រាក់
បន្ទាប់ពីបិទទ្វារអស់ជាងមួយសប្តាហ៍ ធនាគារនៅអាហ្វហ្គានីស្ថានកំពុងចាប់ផ្តើមបើកដំណើរការឡើងវិញ ដោយទាក់ទាញមនុស្សរាប់រយនាក់ទៅដកសាច់ប្រាក់របស់ពួកគេសាជាថ្មី ។
ស្ថាប័នហិរញ្ញវត្ថុនៅទីក្រុងកាប៊ុលភាគច្រើន ត្រូវបានបិទកាលពីរសៀលថ្ងៃទី ១៥ ខែសីហា មុនពេលអតីតប្រធានាធិបតីអាហ្វហ្គានីលោក Ashraf Ghani បានភៀសខ្លួន ហើយក្រុមតាលីបង់បានមកដល់រដ្ឋធានី ។
ដំបូងការបិទនេះគឺដើម្បីឆ្លើយតបទៅនឹងការភ័យខ្លាចថា ការមកដល់របស់ក្រុមនេះនៅក្នុងទីក្រុង នឹងឃើញមានការបង្ហូរឈាម និងការប្លន់ ។
ទោះយ៉ាងណាច្រើនថ្ងៃកន្លងមកនេះធនាគារនៅតែបិទ ដោយសារតែការសម្រេចចិត្តរបស់ក្រុងវ៉ាស៊ីនតោនក្នុងការកាត់ផ្តាច់ការចូលប្រើប្រាស់ប្រាក់ និងប្រាក់បម្រុងរបស់ធនាគារកណ្តាលអាហ្វហ្គានីស្ថានចំនួន ៧ ពាន់លានដុល្លារ នៅក្នុងធនាគារកណ្តាលអាមេរិក ។
ទន្ទឹមនោះ មូលនិធិរូបិយវត្ថុអន្តរជាតិក៏បានកាត់ផ្តាច់ការចូលប្រើប្រាស់ថវិកាចំនួន ៤៦០ លានដុល្លារ ដែលបានបម្រុងទុកនៅសប្តាហ៍នេះផងដែរ ។
គួរបញ្ជាក់ថា ការផ្អាកទាំងនេះបានកើតឡើងប៉ុន្មានថ្ងៃ បន្ទាប់ពីមនុស្សរាប់ពាន់នាក់បានប្រមូលផ្តុំគ្នានៅតាមធនាគារ និងម៉ាស៊ីន ATM នៅទូទាំងរដ្ឋធានី ដើម្បីដកប្រាក់របស់ពួកគេឲ្យបានច្រើនតាមដែលអាចធ្វើទៅបាន មុនពេលការមកដល់របស់ក្រុមតាលីបង់ ៕
ប្រែសម្រួលដោយ ៖ ជីវ័ន្ត
ប្រភព ៖ Al Jazeera
ចុចអាន ៖ ចលនាតស៊ូប្រដាប់អាវុធ អាហ្វហ្គានីស្ថាន កំពុងជីកលេណដ្ឋានត្រៀមទប់ទល់ការវាយប្រហាររបស់តាលីបង់
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម៤ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល