ទស្សនាវីដេអូដ៏អស្ចារ្យនៃ សមយុទ្ធទ្រង់ទ្រាយធំរបស់រុស្ស៊ី កក្រើកព្រំដែន EU

នៅថ្ងៃអង្គារទី១៤ខែកញ្ញា ប្រធានាធិបតីរុស្ស៊ីលោក វ្ល៉ាឌីមៀរ ពូទីន បានត្រួតពិនិត្យការធ្វើសមយុទ្ធយោធាទ្រង់ទ្រាយធំ នៅជិតទ្វីបអឺរ៉ុប ដោយក្នុងនោះ មានទាំងការលុកលុយនៅឆ្នេរសមុទ្រដោយយានបើកបានទាំងលើគោកនិងក្នុងទឹក ធំបំផុតរបស់ពិភពលោកផងដែរ។

ទាហានប្រមាណ ២,០០០ នាក់និងឧបករណ៍យោធាជាង ២០០ បានបង្ហាញនៅក្នុងសមយុទ្ធ នៅទីក្រុង Kaliningrad នៃព្រំដែនរុស្ស៊ីជាប់សហភាពអឺរ៉ុប។

នៅកន្លែងផ្សេងទៀត លោក ពូទីន បានចូលរួមសមយុទ្ធយោធា ដែលត្រូវបានធ្វើឡើងរួមគ្នាជាមួយបេឡារុស អាមេនី ឥណ្ឌា កាហ្សាក់ស្ថាន កៀហ្ស៊ីស៊ីស្ថាននិងម៉ុងហ្គោលីនៅ Mulino នៃតំបន់ Nizhny Novgorod ក្នុងតួនាទីរបស់លោក ជាអគ្គមេបញ្ជាការកងកម្លាំងប្រដាប់អាវុធរុស្ស៊ី។

នៅ Kaliningrad, វីដេអូបានបង្ហាញពីសមយុទ្ធចុះចតដ៏ធំ ដែលមានការចូលរួមពី កងនាវាចរបាល់ទិក និងកងកម្លាំងផ្សេងទៀតនៅលើយាន ZACR-class LCAC ដែលជាយាន បើកបានទាំងលើគោកនិងក្នុងទឹក ធំបំផុតរបស់ពិភពលោក។

បច្ចុប្បន្ន មានយានបែបនេះត្រឹមតែ ១០ គ្រឿងប៉ុណ្ណោះ ដែលកំពុងដំណើរការ ដោយក្នុងនោះមានពីរគ្រឿងនៅជាមួយកងទ័ពជើងទឹករុស្ស៊ី, ៤ គ្រឿងនៅជាមួយកងទ័ពជើងទឹកក្រិកនិង ៤គ្រឿងទៀតនៅជាមួយកងទ័ពជើងទឹកចិន។

ពីដំបូង ក្រសួងការពារជាតិបាននិយាយថា ការធ្វើសមយុទ្ធនេះនឹងត្រូវបញ្ចប់នៅថ្ងៃទី១៦ខែកញ្ញា ប៉ុន្តែប្រទេសរុស្ស៊ីបានប្រកាសថា កងកម្លាំងរបស់ខ្លួននឹងមិនវិលត្រឡប់មកមូលដ្ឋានយោធារបស់ពួកគេវិញទេ រហូតដល់ពាក់កណ្តាលខែតុលា។

ទោះបីជាយ៉ាងណាក៏ដោយ រុស្ស៊ី មិនពន្យល់អំពីការពន្យារពេលត្រឡប់មកវិញនោះទេ៕

វីដេអូ៖

ប្រែសម្រួល៖ Vann Vann

ប្រភព៖ Daily Mail

ចុចអាន​៖ ក្តៅគគុក! រុស្ស៊ី និង ចិន ពួតដៃគ្នាធ្វើសមយុទ្ធបង្ហាញអំណាចទ័ពយ៉ាងកក្រើក ផ្ញើសារច្បាស់ៗទៅលោកខាងលិច (មានវីដេអូ)