អាមេរិកអនុញ្ញាត អ្នកចាក់ J&J អាចទទួលដូសជំរុញ ក្នុងគម្លាតត្រឹម២ខែ

ទីប្រឹក្សាសុខភាពអាមេរិកបានគាំទ្រការចាក់ដូសជំរុញ សម្រាប់វ៉ាក់សាំងការពារជំងឺកូវីដ-១៩របស់ក្រុមហ៊ុន Johnson & Johnson ដោយលើកឡើងពីការព្រួយបារម្ភថា ជនជាតិអាមេរិកដែលទទួលថ្នាំបង្ការតែមួយដូស នឹងមិនត្រូវបានការពារដូចវ៉ាក់សាំងផ្សេងៗដែលចាក់២ដូសទេ។

ក្រុមហ៊ុន J&J បានប្រាប់រដ្ឋបាលចំណីអាហារនិងឱសថអាមេរិក (FDA) ថា ដូសជំរុញ បានបន្ថែមការការពារដ៏សំខាន់ក្នុងរយៈពេលពីរខែដំបូង បន្ទាប់ពីការចាក់វ៉ាក់សាំងដូសទី១ ប៉ុន្តែវាអាចមានប្រសិទ្ធភាពល្អជាងនេះ ប្រសិនបើមនុស្សរង់ចាំរហូតដល់ប្រាំមួយខែ។

ដោយសារតែមិនអាចកំណត់ពេលវេលាល្អបំផុតបាន ក្រុមប្រឹក្សារបស់ FDA បានបោះឆ្នោតជាឯកច្ឆន្ទថា ដូសជំរុញគួរតែត្រូវបានផ្តល់ជូនយ៉ាងហោចណាស់ពីរខែ បន្ទាប់ពីមនុស្សទទួលបានវ៉ាក់សាំងដូសដំបូង៕

ប្រែសម្រួល៖ Vann Vann

ប្រភព៖ AP

ចុចអាន៖ លែងព្រួយ ពេលដឹងច្បាស់ អំពី វ៉ាក់សាំង Johnson & Johnson ដែលកម្ពុជា នឹងទទួលបានពី អាមេរិក