ព័ត៌មានអន្ដរជាតិ
ម៉ាឡេស៊ី ប្រើធម៌ក្ដៅលើមន្ត្រីរាជការដែលមិនចាក់វ៉ាក់សាំង
មន្ត្រីរាជការនៅក្នុងជួររដ្ឋាភិបាលសហព័ន្ធម៉ាឡេស៊ីអាចប្រឈមមុខនឹងការដាក់វិន័យ ឬបញ្ឈប់ការងារ ប្រសិនបើពួកគេមិនបានចាក់វ៉ាក់សាំងការពារជំងឺកូវីដ ១៩ ក្រោមគោលនយោបាយចាក់ថ្នាំបង្ការថ្មី ដែលចូលជាធរមានចាប់ពីថ្ងៃទី ១ ខែវិច្ឆិកា តទៅ ។
កាសែត Bernama បានរាយការណ៍ថា សេចក្តីណែនាំដែលចុះហត្ថលេខាដោយលោក Mohd Khairul Adib Abd Rahman អគ្គនាយក នៃនាយកដ្ឋានសេវាកម្មសាធារណៈ (PSD) បានឲ្យដឹងថា “នៅ ឬក្រោយថ្ងៃទី ១ ខែវិច្ឆិកា ឆ្នាំ ២០២១ មន្រ្តីណាដែលមិនគោរពតាមសេចក្តីណែនាំរបស់ប្រធាននាយកដ្ឋាន អាចបណ្តាលឱ្យមានវិន័យ ឬការបញ្ចប់ការងារតែម្ដង” ។
កន្លងមក PSD ក៏បានចេញសេចក្តីថ្លែងការណ៍មួយផងដែរកាលពីថ្ងៃទី ៣០ ខែកញ្ញា ដោយប្រកាសថា មន្រ្តីរាជការសហព័ន្ធទាំងអស់ត្រូវទទួលការចាក់វ៉ាក់សាំងការពារជំងឺកូវីដ ១៩ ឲ្យបានពេញដូស មុនថ្ងៃទី ១ ខែវិច្ឆិកា ។
នៅក្នុងសារាចរចុងក្រោយបង្អស់ PSD បាននិយាយថា មន្រ្តីដែលមិនអាចចាក់វ៉ាក់សាំងកូវីដ ១៩ បាន ដោយសារកត្តាសុខភាព អាចត្រូវបានណែនាំឲ្យទៅពិនិត្យសុខភាពជាមួយគ្រូពេទ្យ ។
ទន្ទឹមនោះ ពួកគេក៏អាចត្រូវបានណែនាំដោយប្រធាននាយកដ្ឋានរបស់ពួកគេ ឲ្យធ្វើតេស្តរកកូវីដ ប្រសិនបើពួកគេត្រូវបានបញ្ជាក់ថា មិនអាចទទួលការចាក់វ៉ាក់សាំង ដោយសារហេតុផលសុខភាព ។
គិតត្រឹមពេលនេះ មន្ត្រីរាជការស្ទើរតែ ៩៨ ភាគរយត្រូវបានចាក់វ៉ាក់សាំង ខណៈ ១.៦ ភាគរយ ឬ ១៦,៩០២ នាក់មិនទាន់បានចុះឈ្មោះចាក់វ៉ាក់សាំង ។
ស្របពេលជាមួយគ្នានេះ តួលេខចុងក្រោយដែលផ្តល់ដោយក្រសួងសុខាភិបាលបានបង្ហាញថា គិតត្រឹមថ្ងៃអង្គារ ៩៤ ភាគរយនៃប្រជាជនពេញវ័យរបស់ម៉ាឡេស៊ី បានបញ្ចប់ការចាក់វ៉ាក់សាំងការពារជំងឺកូវីដ ១៩ ចំនួន ២ ដូស ៕
ប្រែសម្រួលដោយ ៖ ជីវ័ន្ត
ប្រភព ៖ CNA
ចុចអាន ៖ ម៉ាឡេស៊ី ទិញថ្នាំព្យាបាលកូវីដ Molnupiravir រាប់ម៉ឺនគ្រាប់
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៥ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ