កុមារអន្តោប្រវេសន៍ជាង១,០០០នាក់ក្នុងមណ្ឌលឃុំឃាំងរបស់រដ្ឋាភិបាលអាមេរិក ធ្វើតេស្តវិជ្ជមានកូវីដ១៩

យោងតាមទីភ្នាក់ងារសហព័ន្ធបានឲ្យដឹងថា កុមារអន្តោប្រវេសន៍ជាង១,០០០នាក់នៅក្នុងមណ្ឌលឃុំឃាំងរបស់រដ្ឋាភិបាលសហរដ្ឋអាមេរិកបានធ្វើតេស្តវិជ្ជមានវីរុសកូរ៉ូណាចាប់តាំងពីខែមីនាមក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សរុប មានករណីជំងឺកូវីដ១៩ចំនួន១,០៦១ករណីក្នុងចំណោមកុមារចំណាកស្រុកដែលគ្មានអាណាព្យាបាលដែលស្ថិតក្រោមការមើលថែដោយការិយាល័យតាំងទីលំនៅថ្មីរបស់ជនភៀសខ្លួនដែលជាទីភ្នាក់ងារសហព័ន្ធគ្រប់គ្រងដោយក្រសួងសុខាភិបាលនិងសេវាមនុស្ស។

យោងតាមទីភ្នាក់ងារនេះបានឲ្យដឹងថា ក្នុងចំណោមករណីទាំង១,០៦១ កុមារចំនួន៩៤៣នាក់បានជាសះស្បើយ។

បច្ចុប្បន្ន កុមារចំនួន១១៨នាក់បានធ្វើតេស្តវិជ្ជមានហើយនៅតែស្ថិតក្នុងការដាក់ឲ្យនៅដាច់ដោយឡែកបើទោះបីជាគ្មានកុមារណាម្នាក់ត្រូវគេតម្រូវឲ្យចូលព្យាបាលក្នុងមន្ទីរពេទ្យក៏ដោយ។

តួលេខចុងក្រោយបង្អស់នេះគឺជាការកើនឡើងពីដើមឆ្នាំនៅពេលជំងឺរាតត្បាតកូវីដ១៩បានរាលដាលដល់សហរដ្ឋអាមេរិក។ ការរីករាលដាលនៃវីរុសកូរ៉ូណាបានជំរុញឲ្យការិយាល័យតាំងទីលំនៅថ្មីរបស់ជនភៀសខ្លួនបញ្ឈប់ដាក់កុមារតូចៗនៅក្នុងរដ្ឋដែលមានចំនួនករណីកូវីដខ្ពស់៕

ប្រែសម្រួលដោយ៖ Vann Vann

ប្រភព៖ CNN

ចុចអាន៖ តំបន់​ពីរ​នៅ​រាជ​ធានី​ភ្នំពេញ ទើប​រក​ឃើញ​អ្នក​ឆ្លង​កូវីដ​លើក​ដំបូង បង​ប្អូនសូម​ប្រុង​ប្រយ័ត្ន

ចុចអាន៖ យុវតី​ខ្មែរ​ឆ្លង​កូវីដ៖ សូម​កុំ​ថែម​បន្ទុក​ឲ្យ​ពេទ្យ​ទៀតអី អាណិត​ពេទ្យណាស់​​ ពេល​ឃើញ​ព្យាបាល​អ្នក​ជំងឺ​ទាំង​ហត់​នឿយ