ព័ត៌មានអន្ដរជាតិ

ថៃ ទើបអះអាង Omicron មិនអាចចូលបាន ពេលនេះលោក ប្រាយុទ្ធ និយាយបែបណាវិញ

បានផុស

២ years មុន

នៅ

ថ្ងៃអង្គារ ៧ ធ្នូ ២០២១

ដោយ

កាលពីថ្ងៃសុក្រសប្តាហ៍មុន រដ្ឋមន្ត្រីក្រសួងទេសចរណ៍ និងកីឡាថៃ លោក Phiphat Ratchakitprakarn បានលើកឡើងថា ក្រសួងសុខាភិបាលសាធារណៈកំពុងតាមដានភ្ញៀវទេសចរទាំងអស់ដែលមានហានិភ័យនៃការឆ្លងជំងឺកូវីដ១៩។

កាលនោះ លោកអះអាង មិនមានអ្វីត្រូវព្រួយអំពីការផ្ទុះឡើងនៃវីរុសបំប្លែងខ្លួន Omicron ទេ ព្រោះគ្មាននរណាម្នាក់នៅក្នុងប្រទេសថៃ បានធ្វើតេស្តវិជ្ជមានចំពោះមេរោគនេះឡើយ ។

លោកក៏បានណែនាំផងដែរ កុំឲ្យប្រជាជន បារម្ភអំពីអ្នកដំណើរមកពីប្រទេសអាហ្វ្រិកទាំង ៨ ដែលមានហានិភ័យខ្ពស់ ព្រោះវាស្ថិតនៅ ក្រោមការគ្រប់គ្រងយ៉ាងតឹងរ៉ឹងរបស់ការិយាល័យអន្តោប្រវេសន៍។

នាយករដ្ឋមន្ត្រីថៃ លោក ប្រាយុទ្ធ ចាន់អូចា

ប៉ុន្តែមិនទាន់បានប៉ុន្មានថ្ងៃផង ស្រាប់តែម្សិលមិញនេះ ករណី Omicron ទី១នៅក្នុងប្រទេសថៃ ត្រូវបានប្រកាសរកឃើញលើជនជាតិអាមេរិកម្នាក់ ដែលធ្វើដំណើរមកពីប្រទេសអេស្ប៉ាញកាលពីថ្ងៃទី៣០ខែវិច្ឆិកា។

ស្របពេលជាមួយគ្នានោះដែរ លោកនាយករដ្ឋមន្ត្រី ប្រាយុទ្ធ ចាន់អូចា បានជំរុញឲ្យប្រជាជនកុំមានការភ័យស្លន់ស្លោ ចំពោះការរកឃើញករណីដំបូងនេះ ដោយនិយាយថា លោកមានទំនុកចិត្តថា អាជ្ញាធរសុខាភិបាលនឹងអាចទប់ស្កាត់ការរីករាលដាលរបស់មេរោគនេះបាន។

អ្នកនាំពាក្យរដ្ឋាភិបាលលោក Thanakorn Wangboonkongchana បាននិយាយថា លោកនាយករដ្ឋមន្ត្រី បានណែនាំប្រជាជនឲ្យមានការប្រុងប្រយ័ត្ន ប៉ុន្តែកុំភិតភ័យ។ លោកនាយករដ្ឋមន្ត្រីប្រាកដថា ការរីករាលដាលនៃមេរោគឆ្លងខ្លាំងនេះ អាចគ្រប់គ្រងបានដោយសារវិធានការបង្ការដ៏តឹងរ៉ឹងដែលដាក់ចេញដោយអាជ្ញាធរសុខាភិបាល។

លោក ប្រាយុទ្ធ ក៏កំពុងជំរុញប្រជាជនឲ្យទៅចាក់វ៉ាក់សាំងកូវីដ និងអ្នកចាក់បានពេញលេញហើយ ត្រូវទៅចាក់ដូសជំរុញផងដែរ៕

ប្រែសម្រួល៖ Vann Vann

ប្រភព៖ Nation

ចុចអាន៖ ប្រុងប្រយ័ត្ន! ករណី Omicron ទី១របស់ថៃ គឺជាអ្នកដំណើរមកពី អឺរ៉ុប

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត