Connect with us

ព័ត៌មានអន្ដរជាតិ

ចិន មិនរស់ជាមួយកូវីដទេ ហើយប្រាប់ឲ្យត្រៀមចាក់វ៉ាក់សាំង ពេញមួយជីវិត

បានផុស

នៅ

ប្រទេសចិនមិនអាចរស់នៅជាមួយកូវីដបានទេ ព្រោះវានឹងបង្កឲ្យមានជំងឺធ្ងន់ធ្ងរនិងការស្លាប់ជាច្រើន ក៏ដូចជាបញ្ហានយោបាយដ៏ធំផងដែរ។ នេះបើយោងតាមទីប្រឹក្សាជាន់ខ្ពស់របស់រដ្ឋាភិបាល។

លោក Liang Wannian អតីតមន្ត្រីគណៈកម្មការសុខភាពជាតិ និងជាប្រធានក្រុមអ្នកជំនាញដែលផ្តល់យោបល់ដល់រដ្ឋាភិបាលលើការឆ្លើយតបនឹងមេរោគកូវីដ បាននិយាយថា ថ្វីបើមានភាគរយទាបនៃអ្នកឆ្លងដែលធ្លាក់ខ្លួនឈឺធ្ងន់ធ្ងរ ឬស្លាប់ក៏ដោយ ក៏ប្រជាជនចិនទាំង១.៤ពាន់លាននាក់ បានចាត់ទុកថា ករណីនោះនឹងមានសារៈសំខាន់។

លោក Liang Wannian
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Liang បានប្រាប់ទូរទស្សន៍រដ្ឋ China Central Television កាលពីយប់ថ្ងៃអាទិត្យថា “អ្នកអាចស្រមៃមើលថាតើមានមនុស្សប៉ុន្មាននាក់នឹងឈឺធ្ងន់ ឬស្លាប់។ វាត្រូវតែគ្រប់គ្រងឲ្យបាន ហើយការឆ្លងមិនត្រូវបានអនុញ្ញាតឲ្យបង្កឲ្យមានជំងឺធ្ងន់ធ្ងរ និងការស្លាប់ច្រើននោះទេ”។

ប្រទេសចិនបានដាក់វិធានការ “កម្ទេច” ដើម្បីលុបបំបាត់ការផ្ទុះឡើងក្នុងសហគមន៍រាប់សិបដង ចាប់តាំងពីទប់ស្កាត់ការផ្ទុះឡើងដំបូងរបស់ខ្លួនកាលពីឆ្នាំមុន។ ឥឡូវនេះចិនមានការផ្ទុះឡើងចំនួនបួនកន្លែងដាច់ដោយឡែកពីគ្នា ដូចជានៅ Inner Mongolia, Heilongjiang, Yunnan និង Hebei ខណៈការឆ្លងក្នុងស្រុកថ្មីចំនួន ៣៨ករណី ត្រូវបានរាយការណ៍កាលពីថ្ងៃអាទិត្យ។

ការឆ្លើយតបមិនអត់ឱនរបស់ចិន គឺពឹងផ្អែកលើព្រំដែនដែលបិទយ៉ាងទូលំទូលាយ និងវិធានការត្រួតពិនិត្យយ៉ាងតឹងរ៉ឹង ដូចជាការបិទខ្ទប់ជាដើម។ វិធីសាស្រ្តនេះ បានជំរុញឲ្យមានការលើកឡើងថា ប្រទេសនេះកំពុងផ្តាច់ខ្លួនពីពិភពលោក ក៏ដូចជាការចោទជាសំណួរនៅក្នុងប្រទេសផងដែរ បន្ទាប់ពីការដាក់ចេញវិធានការយ៉ាងតឹងរ៉ឹងរយៈពេលជិតពីរឆ្នាំ រួមមានការធ្វើតេស្តញឹកញាប់ ការធ្វើចត្តាឡីស័ករយៈពេលយូរ និងការរឹតបន្តឹងលើការចាកចេញពីតំបន់លំនៅដ្ឋានដែលជាកន្លែងករណីត្រូវបានរកឃើញ។

ទោះបីជាយ៉ាងណាក៏ដោយ​ លោក Liang សារភាពថា នេះបានបណ្តាលឲ្យមានភាពនឿយហត់ និង ការមិនសប្បាយចិត្ត ប៉ុន្តែអះអាងថា “ការមិនសប្បាយចិត្ត មិនអាចដោះស្រាយបញ្ហាណាមួយបានទេ ហើយប្រទេសចិនក៏នឹងមិនដើរតាមមាគ៌ារបស់ប្រទេសដែលជ្រើសរើសយកការកុហកដែរ”។

ស្របពេលជាមួយគ្នានោះ លោក Liang បាននិយាយថា ប្រទេសចិននឹងមិនភ័យខ្លាចចំពោះការលេចឡើងនៃវីរុសបំប្លែងខ្លួនថ្មីៗដូចជា Omicron ទេ ហើយនឹងចាត់ទុកពួកគេដូចជាវគ្គក្នុងវីដេអូហ្គេម ដែលត្រូវលេងឆ្លងកាត់។

វ៉ាក់សាំងនៅតែជួយការពារជំងឺធ្ងន់ធ្ងរ និងការស្លាប់ ប៉ុន្តែមនុស្សគួរតែត្រៀមខ្លួនសម្រាប់ការចាក់វ៉ាក់សាំងពេញមួយជីវិត ដើម្បីរក្សាភាពស៊ាំ។ កុំជឿថា ចាក់៣ដូសគ្រប់គ្រាន់ឲ្យសោះនោះ៕

ប្រែសម្រួល៖ Vann Vann

ប្រភព៖ Bangkok Post

ចុចអាន៖ ចិន កំពុងប្រយុទ្ធជាមួយការផ្ទុះវីរុសកូវីដបំប្លែងខ្លួន ទ្រង់ទ្រាយធំបំផុត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម