ព័ត៌មានអន្ដរជាតិ
ប្រទេសលោកខាងលិចព្រមាន រុស្ស៊ី អំពី “ការចំណាយធ្ងន់ធ្ងរ” ក្នុងករណីឈ្លានពាន អ៊ុយក្រែន
សហរដ្ឋអាមេរិក សហភាពអឺរ៉ុប បារាំង អាល្លឺម៉ង់ ចក្រភពអង់គ្លេស និងប្រទេសមួយចំនួនទៀតនៅអង្គការសហប្រជាជាតិ (UN) កាលពីថ្ងៃពុធបានព្រមានរុស្ស៊ីអំពី “ការចំណាយដ៏ធ្ងន់ធ្ងរ” ក្នុងករណីចុងក្រោយលើការឈ្លានពានអ៊ុយក្រែន ។
បណ្តាប្រទេសទាំងនេះបាននិយាយនៅក្នុងសេចក្តីថ្លែងការណ៍មួយថា “ធម្មនុញ្ញរបស់ UN ហាមឃាត់ការគំរាមកំហែង ឬការប្រើប្រាស់កម្លាំងប្រឆាំងនឹងបូរណភាពទឹកដី ឬឯករាជ្យភាពនយោបាយនៃរដ្ឋណាមួយរបស់ខ្លួន ។ ការឈ្លានពានយោធាបន្ថែមទៀតប្រឆាំងនឹងអ៊ុយក្រែននឹងមានផលវិបាកដ៏ធំ និងត្រូវចំណាយយ៉ាងធ្ងន់ធ្ងរក្នុងការឆ្លើយតប” ។
ទន្ទឹមនោះ ប្រទេសជាសមាជិក UN សរុបចំនួន ៣៦ រួមមាន អូស្ត្រាលី កាណាដា សាធារណរដ្ឋឆេក អេស្តូនី អ៊ីតាលី ឡាតវី ន័រវេស ប៉ូឡូញ និងអ៊ុយក្រែន ក៏បានចេញសេចក្តីថ្លែងការណ៍ផងដែរ បន្ទាប់ពីកិច្ចប្រជុំក្រៅផ្លូវការដែលរៀបចំដោយរុស្ស៊ីនៃក្រុមប្រឹក្សាសន្តិសុខ UN ស្តីពីជនជាតិភាគតិច និងការលើកតម្កើងលទ្ធិណាស៊ីនៅក្នុងរដ្ឋបាល់ទិក និងអ៊ុយក្រែន ។
សេចក្តីថ្លែងការណ៍បាននិយាយថា “នេះគឺជាការប៉ុនប៉ងដោយចេតនាម្តងទៀតដើម្បីបង្វែរការយកចិត្តទុកដាក់របស់សហគមន៍អន្តរជាតិពីការរំលោភច្បាប់អន្តរជាតិដែលកំពុងបន្តរបស់រុស្ស៊ី រួមទាំងការរំលោភច្បាប់សិទ្ធិមនុស្សអន្តរជាតិ និងការរំលោភសិទ្ធិមនុស្ស និងសេរីភាពជាមូលដ្ឋាន” ។
បណ្តាប្រទេសនានាបានអំពាវនាវឲ្យរុស្ស៊ីបញ្ឈប់យុទ្ធនាការផ្សព្វផ្សាយព័ត៌មានមិនពិតរបស់ខ្លួនប្រឆាំងនឹងអ៊ុយក្រែន កាត់បន្ថយភាពតានតឹងជុំវិញខ្លួន និងដកកងកម្លាំងដែលបានឈរជើងនៅក្នុងប្រទេសនេះភ្លាមៗ ។
កន្លងមក រុស្សីត្រូវគេចោទប្រកាន់ថាបានដាក់ពង្រាយទាហាននៅជិតព្រំដែនអ៊ុយក្រែនក្នុងការត្រៀមខ្លួនសម្រាប់ការឈ្លានពានប្រទេសនេះ ។ ប៉ុន្តែទីក្រុងមូស្គូបានបដិសេធម្តងហើយម្តងទៀតនូវការចោទប្រកាន់ទាំងនោះ ដោយចង្អុលទៅសកម្មភាពយោធារបស់ណាតូនៅជិតព្រំដែនរុស្ស៊ី ដែលប្រទេសនេះចាត់ទុកថាជាការគំរាមកំហែងដល់សន្តិសុខជាតិរបស់ខ្លួន ហើយបាននិយាយទៀតថា ខ្លួនមានសិទ្ធិផ្លាស់ទីកងកម្លាំងក្នុងទឹកដីខ្លួន ៕
ប្រែសម្រួលដោយ ៖ ជីវ័ន្ត
ប្រភព ៖ Sputnik
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ