អ្នកជំងឺ អូមីក្រុង ដំបូងគេរបស់វៀតណាម ព្យាបាល ២សប្តាហ៍ ជាសះស្បើយ

អ្នកជំងឺ អូមីក្រុង ដំបូងគេរបស់ប្រទេសវៀតណាម ត្រូវបានអនុញ្ញាតឲ្យចេញពីមន្ទីរពេទ្យហើយ បន្ទាប់ពីការព្យាបាលរយៈពេលពីរសប្តាហ៍។

មន្ទីរពេទ្យយោធាលេខ១០៨បាននិយាយថា បន្ទាប់ពីត្រូវបានត្រួតពិនិត្យអស់រយៈពេល១៤ថ្ងៃ ដោយមិនបង្ហាញរោគសញ្ញាកូវីដ អ្នកជំងឺ H.M. ត្រូវបានអនុញ្ញាតឲ្យចេញពីមន្ទីរពេទ្យកាលពីថ្ងៃអាទិត្យ ដោយមានសុខភាពធម្មតាបន្ទាប់ពីលទ្ធផលតេស្តអវិជ្ជមាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បុរសរូបនោះ បានវិលត្រឡប់មកទីក្រុងហាណូយវិញ តាមជើងហោះហើរមកពីចក្រភពអង់គ្លេសនៅថ្ងៃទី១៩ខែធ្នូ ហើយត្រូវបានគេរកឃើញថាមានផ្ទុកកូវីដ តាមរយៈការធ្វើតេស្តរហ័សនៅអាកាសយានដ្ឋានអន្តរជាតិ Noi Bai។

បន្ទាប់ពីសម្រាកព្យាបាលនៅមន្ទីរពេទ្យ គាត់បានឆ្លងកាត់ការធ្វើតេស្ត RT-PCR ហើយលទ្ធផលចេញមកគឺវិជ្ជមានវីរុសបំប្លែងខ្លួន អូមីក្រុង។

វេជ្ជបណ្ឌិតនិយាយថា បុរសរូបនេះ ត្រូវបានព្យាបាលនៅក្នុងទីតាំងដាច់ដោយឡែកមួយ ដើម្បីធានាថាមិនឆ្លងទៅអ្នកដទៃ។

ក្រោយ​ពេល​គាត់​ចេញ​មក មន្ទីរពេទ្យ​បាន​សម្របសម្រួល​យ៉ាង​ជិត​ស្និទ្ធ​ជាមួយ​ក្រុម​គ្រួសារ ដើម្បី​បន្ត​តាមដាន​ស្ថានភាព​សុខភាព​របស់គាត់​នៅផ្ទះ៕

ប្រែសម្រួល៖ Vann Vann

ប្រភព៖ Tuoi Tre

ចុចអាន៖ ទីបំផុត វៀតណាម រកឃើញករណី Omicron ជា លើក ដំបូង