ព័ត៌មានអន្ដរជាតិ

ចិន សាងសង់ស្ពានឆ្លងកាត់បឹងប្រវែង ១៣៥ គីឡូម៉ែត្រពន្លឿនការចល័ត ទ័ពទៅដល់ ឥណ្ឌា

បានផុស

៥ years មុន

នៅ

ថ្ងៃអង្គារ ៤ មករា ២០២២

ដោយ

កងទ័ពរំដោះប្រជាជនចិន (PLA) បានចាប់ផ្តើមសាងសង់ស្ពានឆ្លងកាត់បឹង Pangong ដើម្បីកាត់បន្ថយពេលវេលាទៅដល់ប៉ុស្តិ៍យោធាឥណ្ឌានៅច្រាំងខាងត្បូងនៃបឹងនេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើមានស្ពាននេះ កងទ័ព PLA សង្ឃឹមថានឹងរារាំងកងទ័ពឥណ្ឌាពី “ប្រតិបត្តិការខ្លារខិនព្រិល” ម្តងទៀតដែលបានកើតឡើងនៅក្នុងខែសីហា ឆ្នាំ ២០២០ ដើម្បីគ្របដណ្តប់នៅច្រាំងខាងត្បូងនៃបឹងប្រវែង ១៣៥ គីឡូម៉ែត្រដែលបែងចែករវាងឥណ្ឌា និងចិននៅតំបន់ Eastern Ladakh ។

មន្ត្រីមិនបញ្ចេញឈ្មោះម្នាក់បាននិយាយថា បន្ទាប់ពីស្ពាននេះសាងសង់រួចហើយចម្ងាយផ្លូវរវាងបន្ទាយ Khurnak និងបន្ទាយ Rudok នឹងត្រូវកាត់មកនៅចន្លោះពី ៤០ គីឡូម៉ែត្រទៅ ៥០ គីឡូម៉ែត្រជាជាង ២០០ គីឡូម៉ែត្រ ។

មន្ត្រីខាងលើបញ្ជាក់ថា ក្នុងពេលគ្មានស្ពានឆ្លងបឹង ទាហានចិនត្រូវចល័តលើផ្លូវវែងជាងនេះដើម្បីទៅដល់ច្រាំងខាងត្បូងនៃបឹង Pangong Tso ខណៈប្រទេសចិនក៏មានប៉ុស្តិ៍យោធាជាច្រើនផងដែរនៅជិតបន្ទាយ Khurnak រួមទាំងបន្ទាយ Nyagzu និងបន្ទាយ Dambuguru ដែលកងទ័ព PLA បានសាងសង់ក្នុងឆ្នាំ ១៩៦១ ។

គួរបញ្ជាក់ថា កន្លងមកប្រទេសចិនបានដកទ័ពជាង ១០,០០០ នាក់ និងរថក្រោះជាង ៣០០ គ្រឿងចេញពីតំបន់បឹង Pangong បន្ទាប់ពីកិច្ចព្រមព្រៀងដកទ័ពចេញកាលពីថ្ងៃទី ១០ ខែកុម្ភៈ ឆ្នាំ ២០២១ ៕