Connect with us

ព័ត៌មានអន្ដរជាតិ

យន្តហោះអាកាសចរណ៍ វៀតណាម រងការគំរាមបាញ់ទម្លាក់ (មានវីដេអូ)

បានផុស

នៅ

យន្តហោះអាកាសចរណ៍ Vietnam Airlines ដែលហោះហើរពីអាកាសយានដ្ឋាន Narita របស់ប្រទេសជប៉ុនទៅកាន់ទីក្រុងហាណូយ ត្រូវបានបង្វែរទិសដៅទៅកាន់អាកាសយានដ្ឋានជប៉ុនមួយផ្សេងទៀត បន្ទាប់ពីមានអ្នកខលទូរស័ព្ទចូលគំរាមថា យន្តហោះនឹងត្រូវបាញ់ទម្លាក់លើឈូងសមុទ្រតូក្យូ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅម៉ោង ១១ និង ១០ នាទីព្រឹក ពោលប្រហែល ៤០ នាទី បន្ទាប់ពីយន្តហោះបានហោះជាមួយអ្នកដំណើរ ៤៧ នាក់ អាកាសយានិក ៣ នាក់ និងអ្នកបម្រើ ១២ នាក់នៅលើយន្តហោះ ការិយាល័យរបស់ក្រុមហ៊ុនអាកាសចរណ៍ក្នុងប្រទេសជប៉ុនបានទទួលទូរស័ព្ទគំរាមពីបុរសម្នាក់ដែលនិយាយភាសាជប៉ុន ប៉ុន្តែអះអាងថាជាជនជាតិអាមេរិក ។

ជនអនាមិកដែលហៅទូរសព្ទមកនោះបានគំរាមថា “យន្តហោះ VN5311 គួរត្រឡប់មកអាកាសយានដ្ឋាន Narita វិញល្អជាង ឬក៏ចង់ត្រូវបាញ់ទម្លាក់នៅពេលឆ្លងកាត់ឈូងសមុទ្រតូក្យូ” ។ ក្រោយមកនៅពេលអ្នកទទួលការហៅទូរស័ព្ទសុំឲ្យបុរសនោះផ្ញើសារឡើងវិញ ជនអនាមិកបាននិយាយថា “ខ្ញុំកំពុងរៀបចំបាញ់យន្តហោះ VN5311 នៅពេលដែលហោះលើឈូងសមុទ្រតូក្យូ” ។

ក្រោយមកយន្តហោះបានចុះចតនៅអាកាសយានដ្ឋាន Fukuoka ដោយសុវត្ថិភាពនៅម៉ោង ១ និង ០២ នាទីរសៀល បន្ទាប់ពីលោកឧបនាយករដ្ឋមន្ត្រី Pham Binh Minh ឲ្យក្រុមហ៊ុនអាកាសចរណ៍ Vietnam Airlines ស្នើសុំការអនុញ្ញាតពីអាជ្ញាធរជប៉ុនក្នុងការចុះចតយន្តហោះនៅអាកាសយានដ្ឋាន Fukuoka ។

ទន្ទឹមនោះ អាជ្ញាធរ​ជប៉ុន​ក៏បាន​ទៅ​មើល​អាកាសយានដ្ឋាន ហើយ​បាន​និយាយ​ជាមួយ​ក្រុម​អាកាសយានិក និង​អ្នក​ដំណើរ​ដើម្បី​វាយតម្លៃ​ស្ថានភាព ។ បន្ទាប់ពីរកមិនឃើញសញ្ញាមិនប្រក្រតី និងចាត់ទុកថាវាមានសុវត្ថិភាពក្នុងដំណើរការនោះ យន្តហោះ VN5311 ត្រូវបានអនុញ្ញាតឲ្យចាកចេញពីអាកាសយានដ្ឋាន Fukuoka ទៅកាន់ទីក្រុងហាណូយ ហើយយន្តហោះបានចុះចតនៅទីក្រុងហាណូយនៅម៉ោង ៦ និង ១២ នាទីល្ងាច ។

គួរបញ្ជាក់ថា យន្តហោះ VN5311 គឺជាជើងហោះហើរលើកដំបូងរវាងវៀតណាម និងជប៉ុន បន្ទាប់ពីផ្អាកជិត ២ ឆ្នាំ ដោយសារជំងឺរាតត្បាតកូវីដ ៕

សូមទស្សនាវីដេអូ!

ប្រែសម្រួលដោយ ៖ ជីវ័ន្ត

ប្រភព ៖ VNExpress

ចុចអាន ៖ បិទ វៀតណាម តែ ចិន បើកច្រកព្រំដែនឲ្យ ថៃ ដឹកផលិតផលចូល

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៣ ម៉ោង មុន

ពលរដ្ឋ​មក​ទទួល​វ៉ាក់សាំង​ដូ​ស​ជំរុញ​ក្នុង​ខេត្តកោះកុង មិនទាន់​សម្រេច​ដល់​គោលដៅ​ចង់បាន​

ព័ត៌មានជាតិ៤ ម៉ោង មុន

ត្រីភាគី​ដាក់​តួលេខ​ប្រាក់​ឈ្នួល​ចុងក្រោយ​ជូន​ក្រុមប្រឹក្សា​ជាតិ​ប្រាក់​ឈ្នួល​សម្រេច​នៅ​ថ្ងៃទី​២១​កញ្ញា​ខាងមុខ

វប្បធម៌ ជំនឿ៤ ម៉ោង មុន

ពណ៌ផ្ទះហុងស៊ុយ​ ស្របតាមទិសទាំង ៨ ជួយទាក់ទាញសំណាងទ្វេដង

ព័ត៌មានជាតិ៥ ម៉ោង មុន

សពលោក ប៊ូ ឡាំ អតីត​អ្នកតំណាងរាស្ត្រ​ខេត្ត​រតនគិរី​ បាន​ដឹក​ពី​ប្រទេសវៀតណាមមកដល់កម្ពុជាហើយ ដើម្បី​រៀប​ចំ​ធ្វើ​បុណ្យ​តាម​ប្រពៃណី

ព័ត៌មានជាតិ៥ ម៉ោង មុន

រដ្ឋមន្ត្រី​ក្រសួងសាធារណការ​ ត្រៀម​ប្រើម៉ាស៊ីនទំនើប​ ដែល​អាច​ជំនួសមនុស្ស​ ក្នុងការចូលលូ​ លើកដំបូង​ក្នុង​ប្រទេស​កម្ពុជា

Sokha Hotels

ព័ត៌មានពេញនិយម