ព័ត៌មានអន្ដរជាតិ

លោក បៃដិន បញ្ជូនទាហាន អាមេរិក ទៅអឺរ៉ុបខាងកើត ពង្រឹងវត្តមានដល់ ណាតូ

បានផុស

៤ years មុន

នៅ

ថ្ងៃសៅរ៍ ២៩ មករា ២០២២

ដោយ

លោកប្រធានាធិបតី ចូ បៃដិន បាននិយាយកាលពីថ្ងៃសុក្រថា លោកនឹងបញ្ជូនទាហានអាមេរិកមួយចំនួនតូចក្នុងពេលឆាប់ៗនេះដើម្បីពង្រឹងវត្តមានរបស់អង្គការណាតូនៅអឺរ៉ុបខាងកើត ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការបញ្ជូនទាហានរបស់អាមេរិកកើតឡើង ខណៈដែលភាពតានតឹងកំពុងកើនឡើងជុំវិញការបង្កើនយោធារបស់រុស្ស៊ីនៅតាមព្រំដែននៃប្រទេសអ៊ុយក្រែន ។

លោក បៃដិន បានប្រាប់អ្នកយកព័ត៌មាន នៅពេលត្រឡប់មកទីក្រុងវ៉ាស៊ីនតោនវិញ បន្ទាប់ពីថ្លែងសុន្ទរកថានៅទីក្រុង Philadelphia ថា “ខ្ញុំនឹងចល័តកងទ័ពទៅកាន់អឺរ៉ុបខាងកើត និងបណ្តាប្រទេសណាតូក្នុងរយៈពេលដ៏ខ្លីខាងមុខនេះ” ។

សហរដ្ឋអាមេរិក និងបណ្តាប្រទេសលោកខាងលិចផ្សេងទៀតបានសម្តែងការព្រួយបារម្ភអំពីការបង្កើនកងទ័ពរុស្ស៊ីនៅតាមព្រំដែនរបស់ខ្លួនជាមួយអ៊ុយក្រែន ដោយអះអាងថា រុស្ស៊ីកំពុងរៀបចំផែនការលុកលុយចូលអ៊ុយក្រែន ។

ប៉ុន្តែរុស្ស៊ីបានអះអាងថា ខ្លួនមិនមានគម្រោងធ្វើសកម្មភាពយោធាលើអ៊ុយក្រែននោះទេ ហើយបានទាមទារការធានាសន្តិសុខពីអង្គការណាតូ រួមទាំងការសន្យាដែលថា អ៊ុយក្រែននឹងមិនចូលរួមក្នុងសម្ព័ន្ធភាពយោធាមួយនេះ ៕