ព័ត៌មានអន្ដរជាតិ
ស្លាប់ច្រើននាក់ក្នុងការប៉ុនប៉ងធ្វើរដ្ឋប្រហារនៅប្រទេស ហ្គីណេប៊ីស្សូ
រដ្ឋប្រហារដែលគេរាយការណ៍នៅប្រទេស ហ្គីណេប៊ីស្សូ ក្នុងតំបន់អាហ្វ្រិកខាងលិច បានបណ្តាលឲ្យសមាជិកកងកម្លាំងសន្តិសុខជាច្រើននាក់បាត់បង់ជីវិត។
លោកប្រធានាធិបតី Umaro Cissoko Embaló បាននិយាយថា ពេលនេះ ស្ថានភាពស្ថិតក្រោមការគ្រប់គ្រង ដោយលោកហៅវាថាជា “ការវាយប្រហារបរាជ័យ ប្រឆាំងនឹងលទ្ធិប្រជាធិបតេយ្យ”។
កាលពីថ្ងៃអង្គារទី១ខែកុម្ភៈ ស្នូរគ្រាប់កាំភ្លើងបានផ្ទុះឡើងនៅជិតអគាររដ្ឋាភិបាល ក្នុងរដ្ឋធានី ប៊ីស្សូ ជាកន្លែងដែលប្រធានាធិបតីកំពុងចូលរួមក្នុងកិច្ចប្រជុំគណៈរដ្ឋមន្ត្រី ហើយទាហានបានឃុំខ្លួនប្រធានាធិបតី និងរដ្ឋមន្ត្រីរបស់គាត់។
យោងតាមសេចក្តីរាយការណ៍ពីមូលដ្ឋានបានឲ្យដឹងថា ខ្មាន់កាំភ្លើងប្រដាប់ដោយអាវុធធុនធ្ងន់ បានវាយប្រហារវិមានរដ្ឋាភិបាល ខណៈដែលលោកប្រធានាធិបតី Embaló កំពុងជួបជាមួយនាយករដ្ឋមន្ត្រី Nuno Gomes Nabiam នៅខាងក្នុង។
បណ្តាមេដឹកនាំក្នុងតំបន់អាហ្រ្វិកខាងលិច បានហៅហេតុការណ៍នេះថាជាការប៉ុនប៉ងធ្វើរដ្ឋប្រហារ ហើយបានជំរុញឲ្យទាហានត្រឡប់ទៅបន្ទាយវិញ។
ប៉ុន្តែអ្វីដែលបានកើតឡើងនៅតែមិនច្បាស់លាស់៖ គេមិនទាន់ដឹងថាតើនរណាជាខ្មាន់កាំភ្លើងនោះទេ ហើយប្រធានាធិបតីក៏មិនបានផ្តល់តួលេខពិតប្រាកដសម្រាប់អ្នកដែលត្រូវបានសម្លាប់ផងដែរ។
ក្នុងនាមជាប្រទេសក្រីក្របំផុតមួយនៅលើពិភពលោក អតីតអាណានិគមព័រទុយហ្គាល់មួយនេះ ធ្លាប់ឆ្លងកាត់រដ្ឋប្រហារ ឬប៉ុនប៉ងធ្វើរដ្ឋប្រហារចំនួនប្រាំបួនលើក ចាប់តាំងពីឆ្នាំ១៩៨០មក៕
ប្រែសម្រួល៖ Vann Vann
ប្រភព៖ BBC
ចុចអាន៖ ខួប១ឆ្នាំនៃរដ្ឋប្រហារមីយ៉ាន់ម៉ា៖ ព្រឹត្តិការណ៍រញ្ជួយពិភពលោក
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង