ព័ត៌មានអន្ដរជាតិ
អង់គ្លេស ស្នើដកម្ចាស់ក្លឹប Chelsea ក្រោយពិភពលោកផ្ដាច់ទំនាក់ទំនងសឹងទាំងអស់ជាមួយ រុស្ស៊ី
ខណៈសង្គ្រាមរុស្ស៊ី – អ៊ុយក្រែន កំពុងតែផ្ទុះឡើង ធ្វើឲ្យពិភពលោកងាកមកមើល និងចេញមកធ្វើចលនាយ៉ាងខ្លាំងក្លា ស្របពេលពិភពបាល់ទាត់ ក៏កំពុងចាប់ផ្ដើមពុះកញ្ជ្រោលក្នុងរឿងនេះដែរ។
ជាក់ស្ដែង ក្លឹបបាល់ទាត់លើពិភពលោក បានចាប់ផ្ដើមដកការឧបត្ថម្ភពីប្រទេសរុស្ស៊ីជាបណ្តើរៗហើយ ដោយក្លឹបបិសាចក្រហម Manchester United បានលុបចោលកិច្ចសន្យារយៈពេល ១៨ខែរបស់ពួកគេ ជាមួយនឹងក្រុមហ៊ុនអាកាសចរណ៍រុស្ស៊ី Aeroflot ខណៈក្លឹប Schalke ដែលជាក្លឹបដ៏ល្បីល្បាញចំនួន ៤ នៅអាល្លឺម៉ង់ ក៏បានប្រកាសថា ខ្លួនកាត់ផ្ដាច់ទំនាក់ទំនងជាមួយក្រុមហ៊ុនថាមពលរុស្ស៊ី Gazpromដូចគ្នា។
ដោយឡែក នាពេលថ្មីៗនេះលោក Chris Bryant សមាជិកសភាមកពីគណបក្សការងារ នៃចក្រភពអង់គ្លេស បានអំពាវនាវឲ្យមានការរឹបអូសទ្រព្យសម្បត្តិ លោក Roman Abramovich ដោយនិយាយថា គាត់មិនគួរក្លាយជាម្ចាស់ក្លឹប Chelsea ទៀតទេ និងលើកឡើងពីការព្រួយបារម្ភ ជុំវិញការជាប់ពាក់ព័ន្ធរបស់គាត់ ជាមួយរដ្ឋាភិបាលរុស្ស៊ី។
លោក Bryant បានថ្លែងក្នុងកិច្ចប្រជុំក្រុមប្រឹក្សាទូទៅថ្ងៃនេះថា បានទទួលឯកសារបែកធ្លាយ ពីកំណត់ត្រារបស់ក្រសួងមហាផ្ទៃក្នុងឆ្នាំ ២០១៩ ដែលបង្ហាញពីការងារលាងលុយខុសច្បាប់របស់លោក Abramovich ជាមួយរដ្ឋាភិបាលរុស្ស៊ី។
លោកបន្ថែមថា “ជាផ្នែកនៃយុទ្ធសាស្ត្ររុស្ស៊ីរបស់រដ្ឋាភិបាលអង់គ្លេស ហិរញ្ញវត្ថុខុសច្បាប់ និងសកម្មភាពព្យាបាទជាគោលដៅរបស់ Abramovich នៅតែស្ថិតក្នុងការឃ្លាំមើលរបស់រដ្ឋាភិបាលចក្រភពអង់គ្លេស។ ដោយសារគាត់មានទំនាក់ទំនងជាមួយរដ្ឋាភិបាលរុស្ស៊ី ដែលគេដឹងថា ជាប់ពាក់ព័ន្ធនឹងអំពើពុករលួយ»។ ជាឧទាហរណ៍ លោក Abramovich បានសារភាពនៅក្នុងដំណើរការតុលាការថា គាត់បានចំណាយសម្រាប់ឥទ្ធិពលនយោបាយ ដូច្នេះការផ្តោតរបស់យើង គឺលើការធានាថា បុគ្គលដែលមានទំនាក់ទំនងជាមួយហិរញ្ញវត្ថុខុសច្បាប់ និងសកម្មភាពព្យាបាទ មិនអាចបង្កើតឡើង ឬរស់នៅក្នុងចក្រភពអង់គ្លេស ហើយនឹងប្រើប្រាស់ច្បាប់ពាក់ព័ន្ធ និងអំណាចអន្តោប្រវេសន៍ដើម្បីការពារបញ្ហានេះ។ ”
គួរបញ្ជាក់ថា កាលពីដើមសប្ដាហ៍នេះ នាយករដ្ឋមន្ត្រីអង់គ្លេសលោក Boris Johnson បានប្រកាសថា ខ្លួននឹងដាក់ទណ្ឌកម្មលើមហាសេដ្ឋីចំនួនបីនាក់ ដែលមានទំនាក់ទំនងជិតស្និទ្ធជាមួយប្រធានាធិបតី Putin ដែលជាផ្នែកនៃយុទ្ធនាការរបស់ចក្រភពអង់គ្លេស ចំពោះការឆ្លើយតប ទៅនឹងសកម្មភាពរបស់រុស្ស៊ី នៅ អ៊ុយក្រែន៕
ប្រែសម្រួល៖ សាង ស្រីល័ក្ខ
ចុចអាន៖អ៊ុយក្រែន បាញ់ទម្លាក់យន្តហោះ រុស្ស៊ី នៅទីក្រុងគៀវ ឆេះលើអគារ ផ្ទះល្វែង
ចុចអាន៖ចាប់ខ្លួនក្រុមអ្នកតវ៉ារាប់សិបនាក់ ប្រឆាំងសង្គ្រាម រុស្ស៊ី
-
ព័ត៌មានជាតិ១ ថ្ងៃ agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានអន្ដរជាតិ៦ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានជាតិ៧ ថ្ងៃ agoទេសចរគួរដឹងអ្វីខ្លះ ពេលទៅកម្សាន្តតំបន់អេកូទេសចរណ៍រ៉ាមសារសម្រស់កោះហានក្នុងខេត្តស្ទឹងត្រែង?
-
ព័ត៌មានអន្ដរជាតិ១ សប្តាហ៍ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ៥ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានអន្ដរជាតិ៧ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១២ ម៉ោង agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
សន្តិសុខសង្គម៥ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ