អាមេរិក នឹងលក់យន្តហោះចម្បាំង និងដ្រូនប្រដាប់អាវុធទៅប្រទេសមួយនេះ

យោងតាមមន្ត្រីជាន់ខ្ពស់អាមេរិកមួយរូបបានឲ្យដឹងថា ទីក្រុងវ៉ាស៊ីនតោនបានប្តេជ្ញាលក់យន្តហោះចម្បាំង F-35 ទៅឲ្យប្រទេសអារ៉ាប់រួម បើទោះបីជាមានការអះអាងថា កិច្ចព្រមព្រៀងនេះនឹងមិនដំណើរការទៅមុខក៏ដោយ ។

យោងតាមការចុះផ្សាយរបស់សារព័ត៌មាន Al Arabiya បានឲ្យដឹងថា សហរដ្ឋអាមេរិកក៏នឹងលក់យន្តហោះគ្មានមនុស្សបើកប្រដាប់អាវុធទៅឲ្យអារ៉ាប់រួមផងដែរ ។

លោក Jessica Lewis ជំនួយការរដ្ឋលេខាធិការទទួលបន្ទុកកិច្ចការនយោបាយ និងយោធាបាននិយាយថា “ពួកគេដឹងថា យើងកំពុងប្តេជ្ញាចិត្តលក់ឧបករណ៍ទាំងនេះ ហើយយើងកំពុងធ្វើឲ្យប្រាកដថា ពួកគេមានព័ត៌មានទាំងអស់ដែលពួកគេត្រូវការដើម្បីឈានដល់ការសម្រេច” ។

គួរបញ្ជាក់ថា កិច្ចព្រមព្រៀងដំបូងត្រូវបានយល់ព្រមដោយរដ្ឋបាលលោក ដូណាល់ ត្រាំ ដែលជាផ្នែកមួយនៃកិច្ចព្រមព្រៀងធ្វើឲ្យទំនាក់ទំនងមានលក្ខណៈធម្មតារវាងអារ៉ាប់រួម និងអ៊ីស្រាអែល ៕

ប្រែសម្រួលដោយ ៖ ជីវ័ន្ត

ប្រភព ៖ RT

ចុចអាន ៖ សេវាកម្មពិសេស អាមេរិក អាចបញ្ជូនភេរវករពី ស៊ីរី ទៅជួយ អ៊ុយក្រែន អំឡុងសង្គ្រាមជាមួយ រុស្ស៊ី