ថៃ ផ្អាកយកថ្លៃសេវាផ្លូវល្បឿនលឿន ២ ខ្សែ អំឡុងបុណ្យចូលឆ្នាំថ្មី

ប្រភពព័ត៌មានពីវិមានរដ្ឋាភិបាលបានឲ្យដឹងកាលពីថ្ងៃអង្គារបានឲ្យដឹងថា កិច្ចប្រជុំគណៈរដ្ឋមន្ត្រីថៃបានអនុម័តលើការលើកលែងយកថ្លៃសេវាផ្លូវល្បឿនលឿនចំនួន ២ ខ្សែ ក្នុង​ឱកាស​បុណ្យចូលឆ្នាំថ្មីរយៈពេល ​៧ ​ថ្ងៃ ។

ផ្លូវល្បឿនលឿនចំនួន ២ ខ្សែដែលមិនយកថ្លៃសេវានោះគឺ ផ្លូវលេខ៧ (ក្រុងបាងកក-ឈុនបុរី) និងផ្លូវលេខ៩ (ផ្លូវក្រវ៉ាត់ក្រុងបាងកក) ពោលចាប់ពីថ្ងៃទី១២ ដល់ថ្ងៃទី១៨ ខែមេសា ឆ្នាំ២០២២ ។

សម្រាប់ការលើកលែងយកថ្លៃសេវាផ្លូវល្បឿនលឿននេះដែរ គឺក្នុងគោលបំណងដើម្បីជួយបង្កភាពងាយស្រួលឲ្យប្រជាពលរដ្ឋមានលទ្ធភាពធ្វើដំណើរទាំងទៅ និងមកលេងស្រុកកំណើតក្នុងឱកាសបុណ្យចូលឆ្នាំថ្មីប្រពៃណីជាតិថៃ ។

ទន្ទឹមនោះ វាក៏ដើម្បីកាត់បន្ថយការកកស្ទះចរាចរណ៍ ជាពិសេសដើម្បីជួយកាត់បន្ថយការចំណាយរបស់ប្រជាពលរដ្ឋផងដែរ ៕

ប្រែសម្រួលដោយ ៖ គង់ សំអាន

ប្រភព ៖ Naewna

ចុចអាន ៖ ថៃ ហាមទទួលទានគ្រឿងស្រវឹង លេងជះទឹក និងប៉ាតម្សៅ ថ្ងៃចូលឆ្នាំថ្មី