ព័ត៌មានអន្ដរជាតិ
រុស្ស៊ី បន្តវាយប្រហាររោងចក្រដែក ទោះមានការប៉ុនប៉ងជម្លៀសជនស៊ីវិល ចេញពីទីក្រុង Mariupol (មានវីដេអូ)
កងកម្លាំងរុស្ស៊ីបានបើកការវាយប្រហារជាថ្មីលើទីក្រុង Mariupol នៅភាគខាងកើតអ៊ុយក្រែន ទោះបីជាមានការខិតខំប្រឹងប្រែងដើម្បីជម្លៀសជនស៊ីវិលដែលជាប់នៅក្នុងរោងចក្រដែក Azovstal ក្នុងទីក្រុងដែលត្រូវបានឡោមព័ទ្ធមួយនេះក៏ដោយ ។
ប្រធានាធិបតីអ៊ុយក្រែនលោក Volodymyr Zelensky បាននិយាយនៅក្នុងសារវីដេអូមួយដែលបានចេញផ្សាយកាលពីថ្ងៃអង្គារថា ជនស៊ីវិល ១៥៦ នាក់ត្រៀមជម្លៀសចេញពីរោងចក្រដែក Azovstal ទៅកាន់ទីក្រុង Zaporizhzhia ដែលគ្រប់គ្រងដោយអ៊ុយក្រែននៅភាគអាគ្នេយ៍ ។
ចំណែកក្រសួងការពារជាតិរុស្ស៊ីបាននិយាយថា ការវាយប្រហារនេះគឺកំណត់គោលដៅលើកងវរសេនាតូច Azov របស់អ៊ុយក្រែនដែលនៅតែមាននៅក្នុងរោងចក្រដែក ហើយតាមសេចក្តីរាយការណ៍ កងកម្លាំងរុស្សីបានទម្លាក់គ្រាប់បែកទាំងនៅលើដី និងលើអាកាស ។
ទន្ទឹមនោះឧបនាយករដ្ឋមន្រ្ដីអ៊ុយក្រែនលោកស្រី Iryna Vereshchuk បាននិយាយលើបណ្ដាញ Telegram ថា ស្ត្រី ២ នាក់ត្រូវបានសម្លាប់ និងជនស៊ីវិល ១០ នាក់បានរងរបួស ហើយជនស៊ីវិលរាប់រយនាក់នៅតែជាប់ក្នុងរោងចក្រដដែល ។
គួរបញ្ជាក់ថា រហូតមកដល់ពេលនេះសង្គ្រាមលុកលុយរបស់រុស្ស៊ីលើអ៊ុយក្រែនដែលលោកប្រធានាធិបតី វ្ល៉ាឌីមៀ ពូទីន ហៅថាជា “ប្រតិបត្តិការយោធាពិសេស” បានអូសបន្លាយពេលជាង ២ ខែមកហើយ បន្ទាប់ពីទីក្រុងមូស្គូបានចាប់ផ្ដើមការវាយប្រហារលើទីក្រុងកៀវកាលពីថ្ងៃទី ២៤ ខែកុម្ភៈ ៕
សូមទស្សនាវីដេអូ!
ប្រែសម្រួលដោយ ៖ ជីវ័ន្ត
ប្រភព ៖ NHK
ចុចអាន ៖ លោក ពូទីន នឹងផ្ទេរអំណាចមួយរយៈពេលខ្លី ដោយសារមូលហេតុនេះ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ