ព័ត៌មានអន្ដរជាតិ
តៃវ៉ាន់ បណ្តេញយន្តហោះចិន ២៩គ្រឿង ដែលលុកលុយតំបន់ការពារដែនអាកាស
កោះតៃវ៉ាន់ បានបញ្ជូនយន្តហោះ ទៅបណ្តេញយន្តហោះចិនចំនួន ២៩ គ្រឿង ដែលចូលក្នុងតំបន់ការពារដែនអាកាស រួមទាំងយន្តហោះទម្លាក់គ្រាប់បែក ដែលហោះទៅភាគខាងត្បូងកោះតៃវ៉ាន់ និងចូលមហាសមុទ្រប៉ាស៊ីហ្វិកផងដែរ។
ការលុកលុយដោយយន្តហោះចម្បាំងរបស់ចិនកាលពីថ្ងៃអង្គារទី២១ខែមិថុនា គឺជាការបង្កើនភាពតានតឹងចុងក្រោយបំផុត រវាងទីក្រុងតៃប៉ិ និងទីក្រុងប៉េកាំង ហើយសម្គាល់ជាការរំលោភលើតំបន់ការពារដែនអាកាសដ៏ធំបំផុតដោយប្រទេសចិន ចាប់តាំងពីចុងខែឧសភាមក។
ក្រសួងការពារជាតិតៃវ៉ាន់បាននិយាយថា បេសកកម្មចុងក្រោយរបស់ចិន រួមមានយន្តហោះចម្បាំងចំនួន ១៧ គ្រឿង និងយន្តហោះទម្លាក់គ្រាប់បែក H-6 ចំនួន៦គ្រឿង ក៏ដូចជាយន្តហោះសង្គ្រាមអេឡិចត្រូនិច យន្តហោះព្រមានជាមុន យន្តហោះប្រឆាំងនាវាមុជទឹក និងយន្តហោះចាក់សាំងពីលើអាកាសផងដែរ។
ក្រសួងបន្តថា តៃវ៉ាន់បានបញ្ជូនយន្តហោះចម្បាំង ទៅព្រមានយន្តហោះចិន ខណៈដែលប្រព័ន្ធមីស៊ីលត្រូវបានដាក់ពង្រាយដើម្បីត្រួតពិនិត្យផ្លូវរបស់ពួកគេ។
កោះតៃវ៉ាន់ ដែលចិនអះអាងថាជាទឹកដីរបស់ខ្លួន បានត្អូញត្អែរអស់រយៈពេលជាងពីរឆ្នាំមកហើយ អំពីបេសកកម្មម្តងហើយម្តងទៀតរបស់កងទ័ពអាកាសចិន នៅភាគនិរតីនៃតំបន់កំណត់អត្តសញ្ញាណការពារដែនអាកាសរបស់ខ្លួន ឬ ADIZ ដែលស្ថិតនៅជិតប្រជុំកោះ Pratas ដែលគ្រប់គ្រងដោយតៃវ៉ាន់។
នេះគឺជាការលុកលុយដែនអាកាសធំបំផុត ចាប់តាំងពីតៃវ៉ាន់រាយការណ៍ថា មានយន្តហោះចិនចំនួន ៣០ គ្រឿងបានចូលទៅក្នុង ADIZ របស់ខ្លួនកាលពីថ្ងៃទី ៣០ ខែឧសភា។ គិតត្រឹមពលនេះ ការលុកលុយធំបំផុត បានកើតឡើងនៅក្នុងខែមករា ដោយមានយន្តហោះចំនួន ៣៩ គ្រឿង។
ទោះបីជាយ៉ាងណាក៏ដោយ មិនមានការអត្ថាធិប្បាយភ្លាមៗពីប្រទេសចិនទេ ប៉ុន្តែកាលពីមុនបាននិយាយថា ទង្វើបែបនេះគឺជាសមយុទ្ធក្នុងគោលបំណងការពារអធិបតេយ្យភាពរបស់ប្រទេស៕
ប្រែសម្រួល៖ Vann Vann
ប្រភព៖ Al Jazeera
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម៤ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល