ក្រោយធ្វើកោសល្យវិច័យ ប៉ូលិស បញ្ជាក់មូលហេតុ នាំឲ្យលោក Abe បាត់បង់ជីវិត

ប៉ូលិស​ជប៉ុន​និយាយ​ថា អតីត​នាយក​រដ្ឋមន្ត្រី​ Abe Shinzo បាន​ទទួលមរណភាព ដោយសារ​បាត់បង់​ឈាម ​បន្ទាប់​ពី​គ្រាប់​កាំភ្លើងមួយគ្រាប់ ​បាន​កម្ទេច​សរសៃឈាមក្រហម ​ក្រោម​ឆ្អឹងដងកាំបិត។

ប៉ូលិស បានធ្វើកោសល្យវិច័យ លើសពរបស់លោក Abe រហូតដល់ព្រឹកថ្ងៃសៅរ៍ទី០៩ខែកក្កដានេះ។

ពួកគេ​និយាយ​ថា គ្រាប់​កាំភ្លើង ​បាន​ឆ្លង​កាត់​ដៃ​ឆ្វេង​របស់​លោក Abe ហើយ​បាន​បំផ្លាញ​សរសៃឈាម​ក្រហម នៅ​ក្រោម​ឆ្អឹងដងកាំបិត។

ប៉ូលិស​បន្ត​ថា ខ្មាន់កាំភ្លើងបានបាញ់ក្នុងរយៈចម្ងាយជិត ជាមួយគោលបំណងសម្លាប់គាត់។

លោក Abe ត្រូវបានបាញ់សម្លាប់កាលពីព្រឹកថ្ងៃសុក្រ ខណៈកំពុងថ្លែងសុន្ទរកថានៅជិតស្ថានីយ៍រថភ្លើងមួយក្នុងទីក្រុង Nara៕

ប្រែសម្រួល៖ Vann Vann

ប្រភព៖ NHK

ចុចអាន៖ សពលោក Abe ដឹកទៅដល់ គេហដ្ឋាន ក្នុងទីក្រុង តូក្យូ ហើយ