ព័ត៌មានអន្ដរជាតិ
មកដឹងប្រាក់ចំណូលក្រុមហ៊ុនលក់កាំភ្លើងធំៗនៅ អាមេរិក
គណៈកម្មាធិការត្រួតពិនិត្យ និងកំណែទម្រង់របស់សភាសហរដ្ឋអាមេរិកបាននិយាយកាលពីថ្ងៃព្រហស្បតិ៍ថា ក្រុមហ៊ុនផលិតកាំភ្លើងធំៗចំនួន ៥ រួមគ្នារកប្រាក់ចំណូលបានជាង ១ ពាន់លានដុល្លារពីការលក់កាំភ្លើងក្នុងទសវត្សរ៍កន្លងមកនេះ។
គណៈកម្មាការបាននិយាយថា ក្រុមហ៊ុនលក់កាំភ្លើងធំៗទាំង ៥ នោះមានដូចជា ក្រុមហ៊ុន Daniel Defense, ក្រុមហ៊ុន Smith & Wesson Brands, ក្រុមហ៊ុន Sturm, ក្រុមហ៊ុន Ruger & Company និងក្រុមហ៊ុន Sig Sauer and Bushmaster Firearms Industries ។
បន្ថែមពីលើការរកប្រាក់បានច្រើនជាង ១ ពាន់លានដុល្លារក្នុងរយៈពេល ១០ ឆ្នាំកន្លងមកនេះ គណៈកម្មាធិការបានរកឃើញថា ប្រាក់ចំណូលរបស់ក្រុមហ៊ុន Daniel Defence ពីការលក់កាំភ្លើងបានកើនឡើង ៣ ដង ពោលដល់ជាង ១២០ លានដុល្លារក្នុងឆ្នាំ ២០២១ បើធៀបនឹងឆ្នាំ ២០១៩ ខណៈប្រាក់ចំណូលសរុបរបស់ក្រុមហ៊ុន Ruger ក៏ឡើងជិត ៣ ដងក្នុងអំឡុងពេលដូចគ្នានោះ ។
ទន្ទឹមនោះគណៈកម្មាធិការក៏បានកំណត់ផងដែរថា ក្រុមហ៊ុនផលិតកាំភ្លើងបានប្រើយុទ្ធសាស្ត្រផ្តល់ហិរញ្ញប្បទាន និងយុទ្ធនាការទីផ្សារងងឹតជាច្រើន ដើម្បីលក់កាំភ្លើងប្រភេទ AR-15 ដល់ជនស៊ីវិល រួមទាំងមនុស្សវ័យក្មេងផងដែរ ។
ស្របពេលជាមួយគ្នានេះ ក្រុមហ៊ុននីមួយៗបានទទួលស្គាល់ថា ពួកគេមិនមានប្រព័ន្ធ ឬដំណើរការណាមួយដើម្បីប្រមូលទិន្នន័យសុវត្ថិភាពលើផលិតផលរបស់ពួកគេនោះទេ ហើយមិនអាចបង្កើតព័ត៌មានផ្ទៃក្នុងណាមួយស្តីពីគ្រោះថ្នាក់ដែលបណ្តាលមកពីការលក់អាវុធបែបយោធារបស់ពួកគេទៅឲ្យជនស៊ីវិលឡើយ ។
ចំណែកប្រធានគណៈកម្មាធិការលោកស្រី Carolyn Maloney បាននិយាយថា “បច្ចុប្បន្នក្រុមហ៊ុនកំពុងលក់អាវុធច្រើនជម្រើសសម្រាប់ឃាត ក ដែលមានបំណងធ្វើភេរវកម្មដល់កុមារតូចៗនៅសាលារៀន ប្រមាញ់អ្នកគោរពបូជានៅព្រះវិហារ និងកន្លែងប្រមូលផ្ដុំមនុស្សច្រើនជាដើម” ៕
ប្រែសម្រួលដោយ ៖ ជីវ័ន្ត
ប្រភព ៖ Anadolu
ចុចអាន ៖ បាក់តេរី សាហាវ ត្រូវបានរកឃើញលើទឹកដី អាមេរិក ជាលើកដំបូង
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង