Connect with us

ព័ត៌មានអន្ដរជាតិ

តៃវ៉ាន់ បង្ហាញសាច់ដុំយោធា ដោយបង្អួតយន្តហោះចម្បាំងផលិតដោយអាមេរិក ទំនើបបំផុត (មានវីដេអូ)

បានផុស

នៅ

យោធារបស់កោះតៃវ៉ាន់ បានឆ្លើយតបទៅនឹងសមយុទ្ធទ័ពជើងទឹក និងទ័ពអាកាសចិននៅក្បែរនោះ ដោយការបង្ហាញយន្តហោះចម្បាំងទំនើបចុងក្រោយបំផុតរបស់ខ្លួនដល់អ្នកសារព័ត៌មាន ហើយប្តេជ្ញាថា នឹងឆ្លើយតបចំពោះការវាយប្រហារណាមួយ។

ក្រុមអ្នកសារព័ត៌មាន ត្រូវបានអញ្ជើញទៅកាន់មូលដ្ឋានទ័ពអាកាស Hualien នៅឆ្នេរសមុទ្រភាគខាងកើតតៃវ៉ាន់ កាលពីថ្ងៃពុធទី១៧ខែសីហា ហើយត្រូវបានបង្ហាញដ៏កម្រ នៃយន្តហោះទំនើបបំផុតរបស់កោះនេះ។

យន្តហោះ F-16V បានចាប់ផ្តើមធ្វើការហោះហើរឈ្លបយកការណ៍ និងហ្វឹកហ្វឺន ហើយក្រុមការងារនៅខាងក្រោម បានបង្ហាញពីរបៀបដែលពួកគេដាក់សព្វាវុធយ៉ាងលឿន រួមទាំងមីស៊ីលប្រឆាំងនាវា Harpoon ផលិតដោយសហរដ្ឋអាមេរិកផងដែរ ទៅលើយន្តហោះចម្បាំងនោះ។

F-16V គឺជា​ Version ដ៏ទំនើបនៃក្រុមយន្តហោះចម្បាំងរបស់សហរដ្ឋអាមេរិក ដែលបានដំណើរការតាំងពីទសវត្សរ៍ឆ្នាំ១៩៧០មក។ តៃវ៉ាន់បានដាក់ពង្រាយក្រុម F-16V ជាលើកដំបូងរបស់ខ្លួនកាលពីខែវិច្ឆិកាឆ្នាំមុន បន្ទាប់ពីបានបញ្ជាទិញចំនួន ៦៦ គ្រឿងនៅក្រោមកិច្ចព្រមព្រៀងជាមួយរដ្ឋបាលរបស់អតីតប្រធានាធិបតី ដូណាល់ ត្រាំ។

ការបង្ហាញសាច់ដុំយោធានេះ បានកើតឡើងចំពេលមានភាពតានតឹងកាន់តែខ្លាំងជាមួយប្រទេសចិន ដែលបានកាត់ផ្តាច់ទំនាក់ទំនងយោធា និងអាកាសធាតុជាមួយទីក្រុងវ៉ាស៊ីនតោន បន្ទាប់ពីប្រធានសភាអាមេរិកលោកស្រី Nancy Pelosi ទៅធ្វើទស្សនកិច្ចដ៏ចម្រូងចម្រាសនៅកោះតៃវ៉ាន់កាលពីដើមខែនេះ។

ទីក្រុងប៉េកាំង ក៏បានបង្កើនសមយុទ្ធយោធានៅច្រកសមុទ្រតៃវ៉ាន់ផងដែរ ហើយនិយាយថា ខ្លួននឹងបង្រួបបង្រួមជាមួយទីក្រុងតៃប៉ិឡើងវិញ ប្រសិនបើចាំបាច់។

ចាប់តាំងពីការធ្វើដំណើររបស់លោក Pelosi ទៅកាន់ទីក្រុងតៃប៉ិ និងដំណើរទស្សនកិច្ចមួយទៀតទៅកាន់កោះតៃវ៉ាន់ ដោយគណៈប្រតិភូសភាសហរដ្ឋអាមេរិក កាលពីថ្ងៃអាទិត្យសប្តាហ៍មុន, យន្តហោះរបស់ចិន បានឆ្លងកាត់ខ្សែបន្ទាត់កណ្តាលក្រៅផ្លូវការម្តងហើយម្តងទៀត ចូលទៅក្នុងតំបន់កំណត់អត្តសញ្ញាណការពារដែនអាកាស (ADIZ) របស់តៃវ៉ាន់។

ក្រសួងការពារជាតិតៃវ៉ាន់បានអះអាងថា នៅព្រឹកថ្ងៃព្រហស្បតិ៍ យន្តហោះទម្លាក់គ្រាប់បែក H-6 របស់ចិនចំនួន២គ្រឿង, យន្តហោះចម្បាំង J-16 ៨គ្រឿង, យន្តហោះចម្បាំង J-10 ៤គ្រឿង និងយន្តហោះចម្បាំង J-11 ៤គ្រឿងបានចូលទៅក្នុង ADIZ។ តៃវ៉ាន់ ក៏បានបញ្ជូនយន្តហោះដើម្បីទៅត្រួតពិនិត្យផងដែរ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ RT

ចុចអាន៖​ ចិន និងប្រទេសច្រើនទៀត ប្រកាសបញ្ជូនកងទ័ពទៅ រុស្ស៊ី ដើម្បីធ្វើសមយុទ្ធ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៨ នាទី មុន

ឧត្តមសេនីយ៍ ហ៊ុន ម៉ាណែត៖​ ទំនាក់ទំនងរវាងកងទ័ពកម្ពុជា-ថៃ​ កាន់តែល្អប្រសើរ​ក្រោយពីចុះ​ហត្ថលេខា​កាលពីខែកុម្ភៈកន្លងទៅ

ជីវិតកម្សាន្ដ១៦ នាទី មុន

រ៉ាប៊ី ប្រតិកម្មឆ្លើយតបបន្ទាប់មានគេរិះគន់រឿងជូនលុយឪពុកម្តាយនារដូវភ្ជុំបិណ្ឌ

ជីវិតកម្សាន្ដ២៩ នាទី មុន

Pancake ត្រូវគេដាក់រហស្សនាមថា “កំពូលតារាបង្ហាញម៉ូដពិភពលោក” កម្រមានរឿងអាស្រូវ

ព័ត៌មានអន្ដរជាតិ៤៣ នាទី មុន

បាងកក ដាក់ម៉ាស៊ីនបូមទឹកបន្ថែមទៀតដើម្បីរំដោះទឹកចេញពីទីក្រុង

នយោបាយ៥៧ នាទី មុន

អ្នកនយោបាយ មើលឃើញតាំងពីដំបូងថា បក្សភ្លើងទៀនមិនអាចចងសម្ព័ន្ធភាព ជាមួយគណបក្ស ៣ផ្សេងទៀតទេ

Sokha Hotels

ព័ត៌មានពេញនិយម