នាវាផ្ទុកយន្តហោះ អាមេរិក មកដល់ កូរ៉េខាងត្បូង ហើយ ត្រៀមធ្វើសមយុទ្ធ​រួមគ្នាចុងខែនេះ

យោងតាមទីភ្នាក់ងារសារព័ត៌មាន Yonhap បានឲ្យដឹងថា នាវាផ្ទុកយន្តហោះដើរដោយថាមពលនុយក្លេអ៊ែររបស់សហរដ្ឋអាមេរិកបានមកដល់ប្រទេសកូរ៉េខាងត្បូងហើយនៅថ្ងៃសុក្រនេះសម្រាប់សមយុទ្ធរួមគ្នាជាមួយកងទ័ពជើងទឹកកូរ៉េខាងត្បូង ។

ក្រុមនាវា USS Ronald Reagan រួមមាននាវាផ្ទុកយន្តហោះថ្នាក់ Nimitz, នាវាចម្បាំងដឹកកាំជ្រួចមីស៊ីល USS Chancellorsville និងនាវាពិឃាត USS Barry Arleigh Burke-class បានចូលចតនៅមូលដ្ឋានទ័ពជើងទឹកក្នុងទីក្រុង Busan ចម្ងាយប្រហែល ៣៩០ គីឡូម៉ែត្រភាគអាគ្នេយ៍នៃរដ្ឋធានីសេអ៊ូលនៅវេលាម៉ោងប្រមាណ ៩ ព្រឹក (ម៉ោងនៅកូរ៉េខាងត្បូង) ។

ក្រុមនាវាគ្រោងធ្វើសមយុទ្ធដែនសមុទ្ររួមគ្នាជាមួយកងទ័ពជើងទឹកកូរ៉េខាងត្បូងនៅឆ្នេរសមុទ្រភាគខាងកើតរបស់ប្រទេសកូរ៉េខាងត្បូងនៅចុងខែនេះ ។

យោងតាមសារព័ត៌មាន Yonhap បានឲ្យដឹងថា សមយុទ្ធរួមគ្នានេះក៏នឹងចូលរួមដោយនាវាមុជទឹកដើរដោយថាមពលនុយក្លេអ៊ែរ USS Annapolis ផងដែរ ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ Zelensky ប្រាប់អតីតប្រធានាធិបតី អាមេរិក ពីអ្វីដែលក្រុងវ៉ាស៊ីនតោន អាចជួយដល់ អ៊ុយក្រែន