ព័ត៌មានអន្ដរជាតិ
ខេត្តភាគកណ្ដាល វៀតណាម ជម្លៀសមនុស្សជាង ១,៣០០ នាក់ ដោយសារភ្លៀងធ្លាក់ខ្លាំង
ទឹកជំនន់ ដោយសារភ្លៀងធ្លាក់ខ្លាំងនៅខេត្ត Quang Ngai ភាគកណ្តាលប្រទេសវៀតណាម បានធ្វើឲ្យផ្លូវជាច្រើនខ្សែត្រូវបានជន់លិច និងធ្វើឲ្យអ្នកស្រុកជាង ១,៣០០ នាក់ជម្លៀសទៅកូនកោះមួយ ។
ផ្លូវ ២ ខ្សែទៅកាន់កោះ An Phu នៅកណ្តាលទន្លេ Tra Khuc ដែលជាផ្ទះរបស់ប្រជាពលរដ្ឋប្រហែល ៣៥០ គ្រួសារ ត្រូវបានជន់លិច ដោយសារទឹកកើនឡើង ។
ប៉ុន្តែភ្លៀងធ្លាក់ខ្លាំងក្នុងរយៈពេល ២ ថ្ងៃកន្លងមកនេះបានជន់លិចផ្លូវមួយខ្សែ ហើយទឹកហូរខ្លាំងបានបណ្តាលឲ្យមានការហូរច្រោះលើផ្លូវផ្សេងទៀតផងដែរ ។ ដោយសារផ្លូវថ្នល់មិនអាចចូលបាន អ្នកស្រុកនៅលើកោះនេះ រួមទាំងសិស្សរាប់សិបនាក់ត្រូវជិះទូកដើម្បីធ្វើដំណើរជុំវិញតំបន់ ។
យោងតាមមជ្ឈមណ្ឌលជាតិសម្រាប់ការព្យាករណ៍ធនធានជលសាស្ត្រ និងឧតុនិយមបានឲ្យដឹងថា ដោយសារតែឥទ្ធិពលនៃព្យុះ Noru, ខេត្ត Quang Ngai និងតំបន់ពី Da Nang ដល់ Binh Thuan ក៏ដូចជាតំបន់ភាគខាងត្បូងវៀតណាម និងតំបន់ខ្ពង់រាបភាគកណ្តាល នឹងបន្តមានភ្លៀងធ្លាក់ខ្លាំងក្នុងរយៈពេលប៉ុន្មានថ្ងៃខាងមុខនេះ ។
មជ្ឈមណ្ឌលបានបន្ថែមថា មានហានិភ័យនៃទឹកជំនន់ និងការរអិលបាក់ដីនៅតំបន់ភ្នំ ក៏ដូចជាទឹកជំនន់នៅតំបន់ខ្ពង់រាប ។
គិតត្រឹមថ្ងៃសៅរ៍ ព្យុះ Noru មានចម្ងាយប្រហែល ៥០០ គីឡូម៉ែត្រទៅភាគខាងកើតនៃកោះ Luzon របស់ប្រទេសហ្វីលីពីន ។ ល្បឿនខ្យល់បក់អតិបរមារបស់វាគឺ ១១៧ គីឡូម៉ែត្រក្នុងមួយម៉ោង ហើយក្នុងរយៈពេល ២៤ ម៉ោងបន្ទាប់ ព្យុះនឹងផ្លាស់ទីទៅខាងលិចក្នុងល្បឿន ២០ គីឡូម៉ែត្រក្នុងមួយម៉ោង ៕
ប្រែសម្រួលដោយ ៖ ជីវ័ន្ត
ប្រភព ៖ VN Express
ចុចអាន ៖ ព្យុះត្រូពិក Noru នឹងឆ្ពោះទៅវាយប្រហារប្រទេសថៃ និង វៀតណាម
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម៣ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល