ព័ត៌មានអន្ដរជាតិ
បុរសមួយក្រុម ត្រូវគេស្តីបន្ទោស ថាជាដើមហេតុ នាំឲ្យរត់ជាន់គ្នា នៅ កូរ៉េខាងត្បូង
អ្នករស់រានមានជីវិតពីសោកនាដកម្មការរត់ជាន់គ្នាក្នុងពិធីបុណ្យ Halloween នៅរដ្ឋធានីសេអ៊ូល របស់ប្រទេសកូរ៉េខាងត្បូង បាននិយាយថា បុរសម្នាក់ពាក់មួកត្រចៀកទន្សាយ និងមិត្តភក្តិរបស់គាត់ ត្រូវស្តីបន្ទោសចំពោះហេតុការណ៍នេះ ព្រោះពួកគេបានបង្ខំឲ្យមនុស្សរុញច្រានគ្នា។
ចំនួនអ្នកស្លាប់ក្នុងព្រឹត្តិការណ៍ Halloween នៅតំបន់ Itaewon នៃទីក្រុងសេអ៊ូល កាលពីថ្ងៃសៅរ៍ ទី២៩ ខែតុលា បានកើនឡើងដល់ ១៥៦នាក់ហើយ គិតត្រឹមថ្ងៃអង្គារទី០១ខែវិច្ឆិកា។ នេះបើយោងតាមការចុះផ្សាយរបស់សារព័ត៌មានកូរ៉េខាងត្បូង Yonhap។
មូលហេតុនៃសោកនាដកម្មនេះ នៅមិនទាន់ត្រូវបានគេដឹងច្បាស់នៅឡើយទេ។ បើយោងតាមរបាយការណ៍ប្រព័ន្ធផ្សព្វផ្សាយក្នុងស្រុកជាច្រើន សោកនាដកម្មរត់ជាន់គ្នាបានកើតឡើង នៅពេលហ្វូងមនុស្សព្យាយាមចូលទៅក្នុងបារ៍មួយ ដែលមានតារាល្បីម្នាក់នៅទីនោះ។
សារព័ត៌មានកូរ៉េខាងត្បូង Chosun បានរាយការណ៍ថា ក្រុមមន្រ្តីកំពុងស្វែងរកមូលហេតុនៃឧប្បត្តិហេតុរត់ជាន់គ្នា ខណៈពាក្យចចាមអារ៉ាមតាមអ៊ីនធឺណិត បានដាក់ការស្តីបន្ទោសទៅលើបុរសដែលពាក់មួកត្រចៀកទន្សាយ។
អ្នកលេងអ៊ីនធឺណិតកូរ៉េខាងត្បូងម្នាក់ ដែលរួចរស់ជីវិតពីឧបទ្ទវហេតុនេះ បានបង្ហោះនៅលើបណ្ដាញសង្គមថា បុរសម្នាក់អាយុប្រហែល២០ឆ្នាំ ឈរពីក្រោយគាត់ បានស្រែកថា “រុញទៅ! រុញទៅ!” បន្ទាប់មកបុរសរូបនោះក៏រុញគាត់ឲ្យដួល។
អ្នកនៅរស់រានមានជីវិតផ្សេងទៀត បាននិយាយរឿងដូចគ្នាអំពីបុរសពាក់មួកត្រចៀកទន្សាយ និងបុរសមួយក្រុមមានគ្នាពីប្រាំទៅប្រាំមួយនាក់ ដែលមានចេតនារុញអ្នកដទៃ។
ក្រុមមន្ត្រីបានបង្ហើបថា ពួកគេកំពុងពិនិត្យកាមេរ៉ា CCTV ចំនួន៥២ នៅក្នុងតំបន់ ហើយស៊ើបអង្កេតវីដេអូដែលត្រូវបានចែករំលែកតាមអ៊ីនធឺណិត និងសាកសួរសាក្សី ព្រមទាំងជនរងគ្រោះ មុនពេលពួកគេអាចសន្និដ្ឋានពីមូលហេតុនៃឧប្បត្តិហេតុនេះ៕
ប្រែសម្រួល៖ Vann Vann
ប្រភព៖ Thaiger
ចុចអាន៖ មេប៉ូលិសកូរ៉េខាងត្បូង ចេញមុខទទួលស្គាល់កំហុស ពាក់ព័ន្ធហេតុការណ៍ រត់ជាន់គ្នា
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង