ព័ត៌មានអន្ដរជាតិ

ប្រធានសភាអាមេរិក អំពាវនាវឲ្យដក Trump ចេញពីតំណែងភ្លាមៗ ដោយហៅលោកថាជា “មនុស្សគ្រោះថ្នាក់បំផុត”

បានផុស

៦ years មុន

នៅ

ថ្ងៃសុក្រ ៨ មករា ២០២១

ដោយ

ប្រធានសភាអាមេរិកលោកស្រី Nancy Pelosi បានអំពាវនាវឲ្យដកលោកប្រធានាធិបតី Trump ចេញពីតំណែងភ្លាមៗ តាមការធ្វើវិសោធនកម្មទី២៥សម្រាប់ការញុះញង់ឲ្យមានកុបកម្មហិង្សានៅវិមាន Capitol កាលពីថ្ងៃពុធ ក្នុងគោលបំណងបញ្ឈប់ការបញ្ជាក់ជ័យជម្នះរបស់ប្រធានាធិបតីជាប់ឆ្នោតលោក Joe Biden។

លោកស្រីបានចូលរួមជាមួយ ព្រឹទ្ធសមាជិកលោក Chuck Schumer ក្នុងការជំរុញឲ្យអនុប្រធានាធិបតីលោក Mike Pence និងគណៈរដ្ឋមន្រ្តីដកលោក Trump ចេញពីតំណែងភ្លាមៗ ដោយហៅគាត់ថាជា “មនុស្សគ្រោះថ្នាក់បំផុត” ដែលបានប្រព្រឹត្ត “សកម្មភាពបះបោរ។

លោកស្រី Pelosi និយាយថា ប្រសិនបើលោក Pence នឹងមិនធ្វើសកម្មភាពទេនោះ សភាបានត្រៀមខ្លួនប្តឹងចោទប្រកាន់ទម្លាក់លោក Trump ជាថ្មីម្តងទៀត។

លោកស្រី Pelosi បាននិយាយកាលពីថ្ងៃព្រហស្បតិ៍ មួយថ្ងៃបន្ទាប់ពីអ្នកគាំទ្រលោក Trump ចូលអុកឡុកវិមាន Capitol និងបង្ខំឲ្យសមាជិកសភាត្រូវជម្លៀសចេញទៅកន្លែងសុវត្ថិភាពថា “លោកប្រធានាធិបតីបានធ្វើការវាយប្រហារដែលមិនអាចនិយាយបាន លើប្រជាជាតិនិងប្រជាជនរបស់យើង។ តាមរយៈការញុះញង់ឲ្យមានការបះបោរ ដូចដែលគាត់បានធ្វើកាលពីម្សិលមិញ គាត់ត្រូវតែដកចេញពីតំណែង ទោះនៅសល់តែ១៣ថ្ងៃទៀតក៏ដោយ ថ្ងៃណាមួយក៏អាចជាឈុតឆាកដ៏រន្ធត់សម្រាប់អាមេរិកដែរ”។

លោកស្រី Pelosi បន្តថា លោកស្រីសង្ឃឹមថា នឹងទទួលបានចម្លើយពីលោក Pence នៅថ្ងៃសុក្រនេះថាតើគាត់នឹងដកវិសោធនកម្មទី២៥មកប្រើដែរឬក៏អត់៕