ព័ត៌មានអន្ដរជាតិ
នាវាពិឃាដនាំផ្លូវមីស៊ីលអាមេរិក ឆ្លងកាត់ច្រកសមុទ្រតៃវ៉ាន់ ជាការបង្កហេតុថ្មី (មានវីដេអូ)
កងនាវាចរទី៧ បាននិយាយកាលពីថ្ងៃព្រហស្បតិ៍ទី០៥ខែមករាថា នាវាពិឃាដនាំផ្លូវមីស៊ីលរបស់សហរដ្ឋអាមេរិកឈ្មោះ Chung-Hoon បានឆ្លងកាត់ដែនទឹកអព្យាក្រឹត នៃច្រកសមុទ្រតៃវ៉ាន់។
តាមការបញ្ជាក់របស់កងនាវាចរក្នុងសេចក្តីប្រកាសព័ត៌មាន, នាវាពិឃាដ USS Chung-Hoon ថ្នាក់ Arleigh Burke បានធ្វើដំណើរឆ្លងកាត់ច្រកសមុទ្រតៃវ៉ាន់តាមទម្លាប់ ឆ្លងកាត់ដែនទឹក ដែលសេរីភាពនៃការធ្វើនាវាចរ និងការហោះហើរលើសមុទ្រ ត្រូវបានអនុវត្តស្របតាមច្បាប់អន្តរជាតិ។ ការធ្វើដំណើររបស់នាវាពិឃាដ Chung-Hoon ឆ្លងកាត់ច្រកសមុទ្រតៃវ៉ាន់ គឺបង្ហាញពីការប្តេជ្ញាចិត្តរបស់សហរដ្ឋអាមេរិកចំពោះតំបន់ឥណ្ឌូប៉ាស៊ីហ្វិកដោយសេរី និងបើកចំហ។
កាលពីខែធ្នូ អ្នកនាំពាក្យក្រសួងការបរទេសចិន លោក Wang Wenbin បានជំរុញឲ្យសហរដ្ឋអាមេរិកគោរពតាមគោលការណ៍ចិនតែមួយ និងបទប្បញ្ញត្តិនៃសេចក្តីថ្លែងការណ៍រួមចិន-អាមេរិកទាំងបី ដោយអនុវត្តការសន្យារបស់ខ្លួន ក្នុងការមិនគាំទ្រឯករាជ្យភាពតៃវ៉ាន់ ឈប់លក់អាវុធទៅឲ្យតៃវ៉ាន់ កាត់ផ្តាច់ទំនាក់ទំនងយោធាអាមេរិកនិងតៃវ៉ាន់ និងឈប់បង្កើតភាពតានតឹងថ្មីនៅទូទាំងច្រកសមុទ្រតៃវ៉ាន់។
ស្ថានការណ៍ជុំវិញកោះតៃវ៉ាន់ បានឡើងកម្តៅខ្លាំង បន្ទាប់ពីប្រធានសភាអាមេរិកលោកស្រី Nancy Pelosi បានទៅបំពេញទស្សនកិច្ចកោះនេះកាលពីដើមខែសីហា។
ទីក្រុងប៉េកាំង បានថ្កោលទោសដំណើររបស់លោកស្រី Pelosi ដែលខ្លួនចាត់ទុកថាជាកាយវិការគាំទ្រចំពោះការបំបែកខ្លួន ហើយបានចាប់ផ្តើមសមយុទ្ធយោធាទ្រង់ទ្រាយធំនៅតំបន់ជុំវិញកោះនេះ៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ Sputnik
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង