ព័ត៌មានអន្ដរជាតិ
រកឃើញឯកសារសម្ងាត់បន្ថែមទៀតនៅផ្ទះរបស់លោក បៃដិន
អ្នកស៊ើបអង្កេតរបស់ក្រសួងយុត្តិធម៌អាមេរិកបានរកឃើញឯកសារសម្ងាត់របស់លោក ចូ បៃដិន ប្រមាណ ៦ ទំព័របន្ថែមទៀត បន្ទាប់ពីបានឆែកឆេរផ្ទះរបស់ប្រធានាធិបតីសហរដ្ឋអាមេរិករូបនេះក្នុងរដ្ឋ Delaware កាលពីពេលថ្មីៗនេះ ។
ការរកឃើញបន្ថែមនេះបានកើតឡើង បន្ទាប់ពីក្រសួងយុត្តិធម៌អាមេរិក តែងតាំងរដ្ឋអាជ្ញាពិសេស ដើម្បីស៊ើបអង្កេតការកាន់កាប់ឯកសារសម្ងាត់របស់លោក បៃដិន ដោយផ្អែកលើការរកឃើញឯកសារបែបនេះពីមុននៅផ្ទះ និងការិយាល័យឯកជនរបស់គាត់ ។
ទន្ទឹមនោះ មេធាវីរបស់លោក បៃដិន បាននិយាយនៅក្នុងសេចក្តីថ្លែងការណ៍មួយ ដែលបានចេញផ្សាយកាលពីថ្ងៃសៅរ៍ថា ឯកសារថ្មីដែលបានរកឃើញបន្ថែមនេះ មានតាំងពីពេលដែលលោក បៃដិន កំពុងបម្រើការជាសមាជិកព្រឹទ្ធសភា និងជាអនុប្រធានាធិបតីមកម្ល៉េះ ។
សេចក្តីថ្លែងការណ៍បាននិយាយទៀតថា លោកប្រធានាធិបតី និងជំទាវទីមួយមិនមានវត្តមាននៅក្នុងផ្ទះដែលត្រូវបានចូលឆែកឆេររកឯកសារសម្ងាត់ពីសំណាក់អ្នកស៊ើបអង្កេតនោះទេ ពោលមានតែបុគ្គលិកសេតវិមានប៉ុណ្ណោះ ក្នុងអំឡុងពេលនៃការស្វែងរកដែលមានរយៈពេលជិត ១៣ ម៉ោងនោះ ។
បើទោះជាយ៉ាងនេះក្ដី សេតវិមានប្ដេជ្ញានឹងបន្តសហការជាមួយក្រសួងយុត្តិធម៌ និងទីប្រឹក្សាពិសេស ដើម្បីជួយធានាថា ការស៊ើបអង្កេតនេះត្រូវបានធ្វើឡើងយ៉ាងឆាប់រហ័ស និងប្រកបដោយប្រសិទ្ធភាព ៕
ប្រែសម្រួលដោយ ៖ ជីវ័ន្ត
ប្រភព ៖ NHK
ចុចអាន ៖ អាមេរិក ចោទ កូរ៉េខាងជើង ថាលួចផ្ដល់អាវុធឲ្យក្រុមទាហានស៊ីឈ្នួល រុស្ស៊ី ប្រើកម្ទេច អ៊ុយក្រែន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង