ព័ត៌មានអន្ដរជាតិ
បោះតង់ក្នុងព្រៃ ស្រាប់តែព្រឹកឡើងឃើញពស់វែក មិនដឹងចូលដេកជាមួយ តាំងពីថ្មើរណា?
បុរសជនជាតិថៃម្នាក់ពិតជាសំណាងដែលអាចនៅរស់រានមានជីវិត បន្ទាប់ពីដេកក្នុងតង់ពេញមួយយប់ជាមួយពស់វែក នៅក្នុងខេត្ត Rayong ភាគខាងកើតប្រទេសថៃ។
បុរសឈ្មោះ Dacha មកពីខេត្ត Phitsanulok បានបង្ហោះរូបថតនៅលើ Facebook អំពីសត្វពស់មួយក្បាល លូនចេញពីតង់ដែលគាត់រុះ នៅឯអាងស្តុកទឹក Dok Krai ក្នុងខេត្ត Rayong។
គាត់បានសរសេរ Caption ថា “ខ្ញុំសង្ស័យថា វាដេកជាមួយខ្ញុំពេញមួយយប់។ ខ្ញុំទើបតែឃើញវា ពេលខ្ញុំរុះតង់នៅពេលព្រឹក”។
គាត់សង្ស័យថា ពស់វែកមួយក្បាលនេះ ចង់រកកន្លែងមានភាពកក់ក្តៅក្នុងរាត្រីរដូវរងាដ៏ត្រជាក់។
Dacha មិនដឹងថាគាត់សំណាងប៉ុនណាទេ រហូតដល់អ្នកលេងអ៊ីនធឺណិតប្រាប់គាត់ថា ពស់ដែលដេកជាមួយគាត់ពេញមួយយប់នោះ គឺជាពស់វែកដែលមានពិសខ្លាំងបំផុត ដែលអាចសម្លាប់មនុស្សបានយ៉ាងងាយ។
នេះជាពស់វែកសៀម (Naja siamensis) ដោយមិនចាំបាច់ទាល់តែខាំ ទើបវាអាចសម្លាប់មនុស្សបាននោះទេ។ សូម្បីតែវាព្រួសពិសពីចម្ងាយ ក៏បានបង្កគ្រោះថ្នាក់ដល់មនុស្សបានដែរ។
នេះអាចជាសារមួយ ដាស់តឿនដល់អ្នកចូលចិត្តបោះតង់គ្រប់រូប ឲ្យមានការប្រុងប្រយ័ត្ន និងពិនិត្យឲ្យបានហ្មត់ចត់ ជាពិសេសការបោះតង់ក្នុងព្រៃដែលសម្បូរសត្វសាហាវ និងសត្វមានពិស៕
ប្រែសម្រួល៖ Vann Vann
ប្រភព៖ Thaiger
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ