ការស្រាវជ្រាវ៖ ស្នូលផែនដី ប្រហែលចាប់ផ្តើមវិលបញ្ច្រាស់ទិស

យោងតាមការ​ស្រាវជ្រាវ​មួយ​កាលពីដើមសប្តាហ៍នេះបានបង្ហាញថា ស្នូលផែនដីហាក់ដូចជា ឈប់វិលក្នុងទិសដៅដូចគ្នាទៅនឹងភពផ្សេងទៀតហើយ។ បាល់​ដែក​ក្តៅ​ដែល​មាន​ទំហំ​ប៉ុន Pluto អាច​កំពុងវិល​បញ្ច្រាស់ទិស​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្នូលដែលមានចម្ងាយប្រហែល ៥០០០គីឡូម៉ែត្រ ខាងក្រោមផ្ទៃដី អាចវិលដោយឯករាជ្យ។ នេះគឺដោយសារតែវាអណ្តែតនៅក្នុងស្នូលលោហៈរាវ។

ការស្រាវជ្រាវថ្មីដែលបោះពុម្ពនៅក្នុងទស្សនាវដ្តី “Nature Geoscience” បានវិភាគរលករំញ័រ ពីការរញ្ជួយដីម្តងហើយម្តងទៀត សម្រាប់រយៈពេលប្រាំមួយទសវត្សរ៍ចុងក្រោយនេះ។

ការសិក្សានេះធ្វើឡើងដោយអ្នកនិពន្ធ Xiaodong Song និង Yi Yang នៃសកលវិទ្យាល័យ Peking របស់ប្រទេសចិន ដែលពិនិត្យមើលដើម្បីតាមដានចលនាស្នូលផែនដី។

អ្នកនិពន្ធនៃការសិក្សានិយាយថា ពួកគេបានរកឃើញថា ការបង្វិលនៃស្នូល សឹងតែឈប់ទៅហើយនៅប្រហែលឆ្នាំ២០០៩ ហើយបន្ទាប់មក បានប្រែជា វិលទៅទិសដៅបញ្ច្រាស់វិញ។

យោងតាមអ្នកវិទ្យាសាស្រ្ត, វដ្តមួយនៃការផ្លាស់ប្តូរ គឺមានរយៈពេលប្រហែល៧ទសវត្សរ៍។

ស្នូលផែនដីបានផ្លាស់ប្តូរទិសដៅរបស់នៅដើមទសវត្សរ៍ឆ្នាំ១៩៧០ ហើយរឿងដូចគ្នានេះ អាចនឹងកើតឡើងម្តងទៀតនៅពាក់កណ្តាលទសវត្សរ៍ឆ្នាំ២០៤០៕

ប្រែសម្រួល៖ Vann Vann

ប្រភព៖ Economic Times

ចុចអាន៖ តារាវិទូ រកឃើញអាចម៍ផ្កាយ ដែលនឹងហោះមកបុក ផែនដី