ការិយាល័យអាកាសធាតុវៀតណាមបាននិយាយថា រលកអាកាសធាតុត្រជាក់ ដែលគ្របដណ្តប់ភាគខាងជើងអស់រយៈពេលជាច្រើនសប្តាហ៍មកហើយនោះ នឹងធូរស្រាលវិញចាប់ពីថ្ងៃពុធទី០១ខែកុម្ភៈទៅ ហើយសីតុណ្ហភាពនឹងកើនឡើងជាលំដាប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចាប់តាំងពីពាក់កណ្តាលខែមករាមក តំបន់នេះ បានជួបប្រទះសីតុណ្ហភាពពេលថ្ងៃជាមធ្យមក្រោម១៥អង្សាសេ។

មជ្ឈមណ្ឌលជាតិសម្រាប់ការព្យាករឧតុនិយម បានឲ្យដឹងថា នៅថ្ងៃចន្ទទី៣០ខែមករានេះ តំបន់ភាគច្រើនរួមទាំងរដ្ឋធានីហាណូយផងដែរ នឹងមិនក្តៅលើស២២អង្សាទេ ហើយសីតុណ្ហភាពនៅពេលយប់នឹងមានពី៧ទៅ៨អង្សារ។

មជ្ឈមណ្ឌលដដែលនិយាយថា ក្នុងរយៈពេលពីរថ្ងៃបន្ទាប់ សីតុណ្ហភាពពេលយប់នឹងកើនឡើងដល់១៦អង្សា ហើយនៅចុងសប្តាហ៍ដល់ប្រហែល ២១អង្សា។

ចំណែក គេហទំព័រអាមេរិក Accuweather បានរាយការណ៍ថា សីតុណ្ហភាពពេលយប់ក្នុងទីក្រុងហាណូយ នឹងកើនឡើងដល់១៨អង្សា នៅថ្ងៃពុធ។

គួរបញ្ជាក់ថា រលកអាកាសធាតុត្រជាក់ ក៏បានជះឥទ្ធិពលដល់តំបន់ផ្សេងទៀតនៃប្រទេសវៀតណាមផងដែរ ដែលធ្វើឲ្យតំបន់ទាំងនោះ ជួបអាកាសធាតុត្រជាក់ចាប់តាំងពីដើមសប្តាហ៍មុនមក៕

ប្រែសម្រួល៖ Vann Vann

ប្រភព៖ VN Express 

ចុចអាន៖ ទ្វីបអាស៊ី កំពុងរងទុក្ខដោយសារ អាកាសធាតុចុះត្រជាក់ខ្លាំង