ព័ត៌មានអន្ដរជាតិ
ប្អូនស្រី គីម ជុងអ៊ុន គ្មានឈ្មោះក្នុងបញ្ជីការិយាល័យនយោបាយ សង្ស័យមានតួនាទីថ្មី
លោកស្រី គីម យ៉ូជុង ត្រូវបានដកឈ្មោះចេញពីបញ្ជីការិយាល័យនយោបាយក្នុងសមាជលើកទី ៨ របស់គណបក្សពលករកំពុងកាន់អំណាចកាលពីថ្ងៃចន្ទដែលជំរុញឲ្យមានការរំពឹងទុកបងប្រុសរបស់លោកស្រីគឺលោក គីម ជុងអ៊ុន អាចកំពុងរៀបចំតួនាទីជំនួសសម្រាប់លោកស្រីក្នុងរបបនេះ ។
ទីភ្នាក់ងារព័ត៌មានគ្រប់គ្រងដោយរដ្ឋរបស់ក្រុងព្យុងយ៉ាង KCNA បានរាយការណ៍កាលពីថ្ងៃចន្ទនូវបញ្ជីឈ្មោះថ្មីសម្រាប់តំណែងការិយាល័យនយោបាយ ប៉ុន្តែឈ្មោះរបស់លោកស្រី គីម យ៉ូជុង បានបាត់ពីបញ្ជីនោះ ខណៈទីភ្នាក់ងារព័ត៌មានកូរ៉េខាងត្បូង Yonhap ក៏បានពិពណ៌នាអំពីការមិនដាក់បញ្ចូលឈ្មោះរបស់លោកស្រី គីម យ៉ូជុង ផងដែរ ។
ទន្ទឹមនោះបើយោងតាមកាសែតកូរ៉េខាងត្បូងមួយទៀតឈ្មោះ Donga Ilbo ក៏បានឲ្យដឹងផងដែរថា ឈ្មោះរបស់លោក គីម យ៉ូជុង ក៏មិនត្រូវបានបញ្ចូលក្នុងបញ្ជីសម្រាប់ការិយាល័យគោលនយោបាយប្រតិបត្តិរបស់គណបក្សនេះដែរ ។
បន្ថែមពីនេះលោកស្រី គីម យ៉ូជុង ក៏បានព្រមានអំពីការបំផ្លាញការិយាល័យទំនាក់ទំនងអន្តរកូរ៉េនៅទីក្រុង Kaesong ផងដែរ ខណៈអគារនេះត្រូវបានបំផ្ទុះកាលពីខែមិថុនាឆ្នាំមុន ។
លោកស្រី គីម យ៉ូជុង ត្រូវបានតែងតាំងជាសមាជិកការិយាល័យនយោបាយដ៏សំខាន់នៅឆ្នាំ ២០២០ ហើយបានក្លាយជាមនុស្សលេចធ្លោ បន្ទាប់ពីលោកស្រីបានចេញសារជាច្រើនថ្កោលទោសចំពោះអ្នករត់ចោលជួរកូរ៉េខាងត្បូង និងកូរ៉េខាងជើងនៅកូរ៉េខាងត្បូងដែលចាប់ផ្តើមចែកចាយខិតប័ណ្ណប្រឆាំងទីក្រុងព្យុងយ៉ាង ៕
ប្រែសម្រួលដោយ ៖ ជីវ័ន្ត
ប្រភព ៖ UPI
ចុចអាន ៖ លោក គីម ជុងអ៊ុន ទទួលបានមុខតំណែងស្នងឪពុក
ចុចអាន ៖ គីម ជុងអ៊ុន៖ ទោះអ្នកណាកាន់អំណាចក៏ដោយ អាមេរិកនៅតែជា “សត្រូវធំបំផុត” របស់កូរ៉េខាងជើង
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង