ជើងហោះហើរទៅកាន់ប្រទេសប្រេស៊ីល បានប្រែក្លាយទៅជាភាពចលាចល ខណៈការវាយតប់បានផ្ទុះឡើងរវាងស្ត្រីជាច្រើននាក់ ដោយពួកគេបានទះកំផ្លៀង និងស្រែកដាក់គ្នាទៅវិញទៅមកនៅចំពោះមុខអ្នកដំណើរផ្សេងទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លើសពីនេះ ស្រ្តីទាំងនោះថែមទាំងបានទាញសក់គ្នា និងប្រវាយប្រតប់រហូតដល់របូតអាវទៀតផង។ ហើយបើទោះបីជាបុគ្គលិកក្នុងកាប៊ីន បានព្យាយាមចូលអន្តរាគមន៍ដើម្បីបំបែកក៏ដោយ ក៏ឥតប្រយោជន៍ដែរ។

រឿងហេតុនេះ កើតឡើងក្នុងជើងហោះហើររបស់ក្រុមហ៊ុនអាកាសចរណ៍ Gol Airlines ដែលហៀបនឹងចេញដំណើរពីទីក្រុង Salvador ទៅ Sao Paulo កាលពីថ្ងៃព្រហស្បតិ៍ទី០២ខែកុម្ភៈ។

ជម្លោះនេះ ត្រូវបានគេដឹងថា ផ្ទុះឡើងរវាងគ្រួសារពីរ ក្រោយពេលស្រ្តីជាម្តាយម្នាក់ បានសួរអ្នកដំណើរម្នាក់ទៀតថាតើនាងអាចប្តូរកៅអីជាមួយកូនរបស់គាត់បានទេ។

ប៉ុន្តែសំណើនេះត្រូវបានបដិសេធ ស្រាប់តែភ្លាមនោះ ស្រ្តីជាម្តាយបានខឹងសម្បាយ៉ាងខ្លាំង ហើយក៏ចាប់ផ្តើមវាយលើអ្នកដំណើរម្នាក់ទៀតតែម្តង។ ក្រោយមក ការវាយតប់ក៏កាន់តែខ្លាំងឡើង ដោយមានការចូលរួមពីសាច់ញាតិទាំងសងខាង។

នៅទីបំផុត ជម្លោះនេះអាចគ្រប់គ្រងបាន ហើយអ្នកដំណើរ១៥នាក់ត្រូវបាននាំចេញពីយន្តហោះ ហើយយន្តហោះក៏បានចេញដំណើរទៅកាន់គោលដៅរបស់ខ្លួន បន្ទាប់ពីពន្យារពេលជិត២ម៉ោង៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Daily Mail

ចុចអាន៖ អ្នកដំណើរមួយយន្តហោះ ចំណាយពេលជិះកន្លះថ្ងៃ ស្រាប់តែចុះចតនៅកន្លែងដដែល