នូវែលហ្សេឡង់ រកឃើញថ្នាំញៀនប្រភេទកូកាអ៉ីនជាង ៣ តោន អណ្ដែតលើសមុទ្រប៉ាស៊ីហ្វិក

កាលពីថ្ងៃពុធ ទី០៨ ខែកុម្ភៈ អាជ្ញាធរនូវែលហ្សេឡង់រកឃើញថ្នាំញៀនប្រភេទកូកាអ៉ីនអណ្ដែតលើផ្ទៃសមុទ្រទម្ងន់ ៣,២ តោន ដែលមានតម្លៃ ៣១៦ លានដុល្លារ គេសង្ស័យថាប្រទេសអូស្ត្រាលីជាគោលដៅដឹកជញ្ជូនជាក់ជាមិនខាន ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅលើកញ្ចប់ថ្នាំមានសញ្ញាប្រជៀវ និងស្លឹកសំណាងដែលជាម៉ាកយីហោអ្នកផលិតថ្នាំញៀនពីអាមេរិកខាងត្បូង យ៉ាងណាមិញអាជ្ញាធរមិនបានប្រាប់ពីដំណើរការរកឃើញថ្នាំទេ ដឹងត្រឹមថាមានជំនួយពីប្រទេសអូស្ត្រាលី ចក្រភពអង់គ្លេស កាណាដា និងសហរដ្ឋអាមេរិកតែប៉ុណ្ណោះ ។

អាជ្ញាធរនូវែលហ្សេឡង់បញ្ជាក់ថា ការប្រមូលថ្នាំញៀនពីសមុទ្រប៉ាស៊ីហ្វិកក្នុងបរិមាណច្រើនសន្ធឹកខាងលើមានការសហការជាមួយគយនិងកម្លាំងការពារនូវែលហ្សេឡង់ជាពិសេស ។

ទន្ទឹមនេះលោកស្នងការ Andrew Coster ផ្ដល់ប្រសាសន៍ថា វាជាកិច្ចប្រតិបត្តិការទ្រង់ទ្រាយធំមួយសម្រាប់អាជ្ញាធររបស់ប្រទេសនូវែលហ្សេឡង់ ទោះបីប៉ូលិសមិនទាន់ធ្វើការចាប់ខ្លួនបានសម្រេច ប៉ុន្តែជនល្មើសកំពុងទាក់ទាញចំណាប់អារម្មណ៍ពីសំណាញ់ច្បាប់ហើយ ៕

ប្រែសម្រួល ៖ វារី

ប្រភព ៖ BBC

ចុចអាន ៖ ថៃបង្ក្រាបថ្នាំញៀនជាង៣លានគ្រាប់ដែលត្រៀមបញ្ជូនទៅភាគខាងត្បូងនៃប្រទេស

ចុចអាន ៖ ថៃ បង្ក្រាបថ្នាំញៀនប្រភេទម៉ាទឹកកក ជិត ៥០០ គីឡូក្រាម ដឹកមកពីភាគឦសាន