ព័ត៌មានអន្ដរជាតិ
អាមេរិក ដាក់ពង្រាយ “យន្តហោះថ្ងៃអវសានពិភពលោក” ទៅ អឺរ៉ុប (មានវីដេអូ)
បញ្ជាការដ្ឋានអឺរ៉ុប (EUCOM) របស់សហរដ្ឋអាមេរិក បានរាយការណ៍កាលពីថ្ងៃពុធទី០១ខែមីនាថា យន្តហោះរបស់កងទ័ពជើងទឹកអាមេរិក ដែលជាយន្តហោះសំខាន់ក្នុងករណីមានសង្គ្រាមនុយក្លេអ៊ែរ បានទៅដល់ប្រទេសអ៊ីស្លង់ ភ្លាមៗបន្ទាប់ពីប្រធានាធិបតីរុស្ស៊ី លោក វ្ល៉ាឌីមៀរ ពូទីន ចុះហត្ថលេខាលើច្បាប់ស្តីពីការព្យួរសន្ធិសញ្ញានុយក្លេអ៊ែរ New START។
យោងតាមការបង្ហោះនៅលើគណនី Twitter របស់បញ្ជាការដ្ឋាននេះ, អាកាសយានិកនៃយន្តហោះ E-6B Mercury បានជួបជាមួយឯកអគ្គរដ្ឋទូតសហរដ្ឋអាមេរិកប្រចាំប្រទេសអ៊ីស្លង់ ក៏ដូចជាអ្នកការទូត និងថ្នាក់ដឹកនាំយោធាផ្សេងទៀតផងដែរ។ យោងតាមសេចក្តីថ្លែងការណ៍បានឲ្យដឹងថា យន្តហោះនេះនឹងធ្វើប្រតិបត្តិការនៅក្នុងតំបន់ទទួលខុសត្រូវរបស់ EUCOM។
យន្តហោះ E-6B Mercury ត្រូវបានគេហៅទូទៅថាជា “យន្តហោះថ្ងៃអវសានពិភពលោក” ព្រោះតែវាត្រូវបានរចនាឡើងដើម្បីបម្រើជាប៉ុស្តិ៍បញ្ជាការហោះហើរ នៅក្នុងព្រឹត្តិការណ៍ផ្ទុះសង្គ្រាមនុយក្លេអ៊ែរ គ្រោះមហន្តរាយ ឬជម្លោះទ្រង់ទ្រាយធំផ្សេងទៀត។
យោងតាមមន្ទីរបញ្ចកោណ យន្តហោះនេះ អនុញ្ញាតឲ្យបញ្ជាការដ្ឋានរបស់សហរដ្ឋអាមេរិក អាចទំនាក់ទំនងទាំងប្រព័ន្ធអាវុធយុទ្ធសាស្ត្រ និងមិនមែនយុទ្ធសាស្ត្រ ដែលធ្វើឲ្យវាអាចបាញ់មីស៊ីល មានសមត្ថភាពផ្ទុកក្បាលគ្រាប់នុយក្លេអ៊ែរ។
ការដាក់ពង្រាយនេះកើតឡើង បន្ទាប់ពីទីក្រុងមូស្គូបញ្ជាក់ជាផ្លូវការទៅទីក្រុងវ៉ាស៊ីនតោន ស្តីពីការផ្អាកចូលរួមរបស់រុស្ស៊ីនៅក្នុងសន្ធិសញ្ញា New START ដែលជាកិច្ចព្រមព្រៀងកាត់បន្ថយអាវុធនុយក្លេអ៊ែរ នៅសល់ចុងក្រោយរវាងសហរដ្ឋអាមេរិក និងរុស្ស៊ី។
សន្ធិសញ្ញានេះ ត្រូវបានគេសន្មត់ថា ជាការកំណត់ឃ្លាំងស្តុកនុយក្លេអ៊ែររបស់ប្រទេសទាំងពីរ និងអនុញ្ញាតឲ្យប្រទេសរៀងខ្លួន ត្រួតពិនិត្យឃ្លាំងអាវុធគ្នាទៅវិញទៅមកដើម្បីបញ្ជាក់ការអនុលោមតាម។
ទោះបីជាយ៉ាងណាក៏ដោយ ទាំងទីក្រុងមូស្គូ និងវ៉ាស៊ីនតោន បានចោទប្រកាន់ដាក់គ្នា ថាមិនបានគោរពតាមកិច្ចព្រមព្រៀង ដើម្បីអនុញ្ញាតឲ្យមានការត្រួតពិនិត្យបែបនេះ៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ RT
ចុចអាន៖ អាមេរិក ចង់គិតលុយពីអ៊ុយក្រែន សម្រាប់សព្វាវុធដែលបញ្ជូនទៅ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ