ព័ត៌មានអន្ដរជាតិ
លោក បៃដិន ស្នើបន្ថែមពន្ធ ២៥ ភាគរយទៀតលើអ្នកមានៗ អាមេរិក
លោក ចូ បៃដិន នឹងស្នើឲ្យសភាអាមេរិកបន្ថែមពន្ធអប្បបរមា ២៥ ភាគរយទៀតលើមហាសេដ្ឋីអាមេរិក ក្នុងលក្ខខណ្ឌនៃការដំឡើងពន្ធជាបន្តបន្ទាប់លើបុគ្គល និងសាជីវកម្មដែលមានទ្រព្យសម្បត្តិច្រើន ។
យោងតាមសារព័ត៌មាន Bloomberg បានចុះផ្សាយថា ផែនការដំឡើងពន្ធរបស់លោក បៃដិន នឹងកើនឡើងជិតទ្វេដងនៃពន្ធបង្កើនដើមទុនសម្រាប់ការវិនិយោគពី ២០ ភាគរយទៅ ៣៩.៦ ភាគរយ ។
ជាមួយគ្នានោះ លោក បៃដិន នឹងបង្ហាញផែនការថវិការបស់លោក ស្របពេលគណបក្សសាធារណរដ្ឋ និងសេតវិមានកំពុងប្រឈមមុខដាក់គ្នាលើការដំឡើងបំណុល និងចំនួនទឹកប្រាក់សរុបដែលរដ្ឋាភិបាលសហព័ន្ធត្រូវបានអនុញ្ញាតឲ្យខ្ចី ចំពេលបំណុលជាតិមានចំនួន ៣១ ពាន់ពាន់លានដុល្លារ ។
លោក បៃដិន អះអាងថា ផែនការរបស់លោកនឹងកាត់បន្ថយឱនភាពជិត ៣ ពាន់ពាន់លានដុល្លារ ក្នុងរយៈពេល ១០ ឆ្នាំ ដែលភាគច្រើនតាមរយៈការដំឡើងពន្ធ ។ ទន្ទឹមនឹងនោះ លោកទទួលស្គាល់ថា ការដំឡើងពន្ធ នឹងប៉ះពាល់ដល់ប្រជាជនអាមេរិក ប៉ុន្តែមួយចំនួនតូចប៉ុណ្ណោះ ហើយអ្នកដែលមានប្រាក់ចំណូលប្រចាំឆ្នាំតិចជាង ៤០ ម៉ឺនដុល្លារ មិនតម្រូវឲ្យបង់បន្ថែមឡើយ ។
គួរបញ្ជាក់ថា កាលពីឆ្នាំមុន លោក បៃដិន ក៏បានស្នើដំឡើងពន្ធលើប្រាក់ចំណូលអប្បបរមារបស់មហាសេដ្ឋី ដើម្បីធានាថា គ្រួសារដែលមានទ្រព្យសម្បត្តិលើសពី ១០០ លានដុល្លារ ត្រូវបង់ពន្ធយ៉ាងតិច ២០ ភាគរយលើប្រាក់ចំណូល និងប្រាក់ចំណេញដែលមិនទាន់សម្រេចបានពីការវិនិយោគ ៕
ប្រែសម្រួល ៖ នាង រតនៈ
ប្រភព ៖ Al Jazeera
ចុចអាន ៖ អូស្ត្រាលី ត្រៀមទិញនាវាមុជទឹកដើរដោយថាមពលនុយក្លេអ៊ែរចំនួន ៥ គ្រឿងពី អាមេរិក
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៨ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី