វៀតណាម ចាប់ខ្លួនអ្នកប្រើប្រាស់ Facebook ម្នាក់ ពីបទប៉ុនប៉ងផ្ដួលរំលំរដ្ឋ

ប៉ូលិសក្នុងប្រទេសវៀតណាម នៅថ្ងៃសុក្រ ទី១៧ ខែមីនា ឆ្នាំ២០២៣នេះ បានចាប់ខ្លួនអ្នកប្រើប្រាស់ហ្វេសប៊ុកម្នាក់ ដែលអាជ្ញាធរចោទប្រកាន់ថាបាន ប៉ុនប៉ងផ្តួលរំលំរដ្ឋ ដោយចែករំលែកខ្លឹមសារដែលបង្ខូចកេរ្តិ៍ឈ្មោះមេដឹកនាំបក្សកុម្មុយនិស្តដែលកំពុងកាន់អំណាច។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រសួងសន្តិសុខសាធារណៈដែលគ្រប់គ្រងដោយប៉ូលិសបាននិយាយនៅក្នុងសេចក្តីថ្លែងការណ៍មួយថា Phan Thi Thanh Nha អាយុ ៣៩ឆ្នាំ ត្រូវបានចោទប្រកាន់ពីបទបង្ហោះ ចែករំលែកអត្ថបទ និងវីដេអូចំនួន ២៥ ចាប់តាំងពីឆ្នាំ២០១៨ ដើម្បីបំភ្លៃ និងបង្ខូចកេរ្តិ៍ឈ្មោះមេដឹកនាំនៃបក្សកុម្មុយនិស្តវៀតណាម។

កន្លងមក ទោះបីជាមានការកែទម្រង់សេដ្ឋកិច្ចយ៉ាងទូលំទូលាយ និងការបង្កើនការបើកចំហចំពោះការផ្លាស់ប្តូរសង្គមក៏ដោយ ក៏បក្សកុម្មុយនិស្តដែលកំពុងកាន់អំណាចរបស់វៀតណាមនៅតែរក្សាការចាប់ពិរុទ្ធប្រព័ន្ធផ្សព្វផ្សាយយ៉ាងតឹងរ៉ឹង ចំពោះការរិះគន់រដ្ឋាភិបាល ហើយក្នុងនោះមនុស្សរាប់សិបនាក់ត្រូវជាប់គុកដោយសារនិយាយប្រឆាំងនឹងអាជ្ញាធរ។

តួយ៉ាងលោក Phan Thi Thanh Nha ត្រូវបានប៉ូលិសចោទប្រកាន់ពីបទចូលរួម និងជ្រើសរើសសមាជិកសម្រាប់បង្កើតរដ្ឋាភិបាលវៀតណាមបណ្តោះអាសន្ន ដែលមានមូលដ្ឋាននៅ​រដ្ឋ​កាលីហ្វ័រញ៉ា សហរដ្ឋអាមេរិក ដែលក្រុមនេះជាក្រុមដែលរដ្ឋាភិបាលវៀតណាមបានចុះបញ្ជីថាជា អង្គការភេរវកម្ម។

ពេលនេះ ប្រភពពីសារព័ត៌មាន Reuters មិនទាន់អាចកំណត់អត្តសញ្ញាណលោក Phan Thi Thanh Nha បាននៅឡើយ ចំណែកមេធាវីរបស់លោក ក៏មិនទាន់សុំការអត្ថាធិប្បាយបានដែរ៕

ប្រែសម្រួល៖ សន្យា

ប្រភព៖ Reuters

ចុចអាន៖ នារីអូតែសវៀតណាម៤នាក់ រត់ពន្ធគ្រឿងញៀនតាមយន្តហោះ ពី ប៉ារីស មក ហូជីមិញ

ចុចអាន៖ Elon Musk បង្ហាញចេតនាទិញយកធនាគារធំមួយរបស់អាមេរិក